Abbatisa – ayollar katolik monastirlarining boshqaruvchilari. Abbatlik

Melyuzina – oʻrta asrlar davri afsonalarida farishta. Ular asosan, suv manbalari va ularga yaqin hududlarda yashagan.
Menestrellar (lot. ministeriales – xizmatdagilar) – XII-XIII asrlarda Angliya va Fransiyada saroydagi qoʻshiqchi va mashshoqlar. Ular asosan ritsarlarning jasoratlari haqida kuylashgan. XIV-XVIII asrlarda ularni sayoq mashshoqlari deb ataganlar va asosan oddiy xalq orasida kuylaganlar.
Menmortabllar (frans.) – XIV-XVIII asrlarda Fransiyada, asosan mamlakatining sharqiy hududlaridagi feodallarga qaram dehqonlar toifasi. Ular cheklangan egalik huquqiga, erkin oila qurishga, sudda qatnashish huquqiga, talya toʻlash huquqiga ega boʻlgan.
Menyala – Gʻarbiy Yevropa davlatlarida pul almashtirish bilan shugʻullanuvchi kishilar. Ular savdogarlar sifatida ham tilga olinadi.
Mer (frans. boshliq, lot. major – katta) – oʻrta asrlar Yevropasida mansab nomi boʻlib, ma’muriyat va ijroiya hokimiyatga rahbarlik qiluvchi shahar hokimi. Burgomistr ham deb ataladi.
Meropxlar – XII-XIV asrlarda janubiy slavyanlarda bashtinaga taqsimlab berilgan qaram dehqonlar toifasi.
Merovinglar – franklar davlatining birinchi qirollik sulolasi. M. boshqaruvi davrida feodal munosabatlar qaror topdi. M. oʻz nomlarini yarim afsonaviy kishi Merovey ismi bilan bogʻlaganlar. VII asrda franklar davlati tashkil topgandan keyin quyidagi qirollar hukmronlik qilishgan va ular tarixiy manbalarda koʻproq tilga olingan: Xilderik I (457-481), Xlodvig I (481-511), Xilperik I (561-584), Xlotar II (584-629) u Neystriyada 613-yilgacha hukmronlik qilgan, Dagobert I (629-639), Xilperik III (743-751). M.ning oxirgi vakili Pipin Pakana tomonidan monastirga yuboriladi. VII asr oxirlaridan franklar davlatida amalda barcha hokimiyat mayordomlar qoʻliga oʻtib ketgan. Shu sabab mazkur davrdagi meroving qirollari “yalqov qirollar” deb atalgan.
Mersen shartnomasi (870-yil) – Gʻarbiy Franklar davlati qiroli Karl Yaltiroqbosh va Sharqiy Franklar davlati qiroli Lyudovik Nemis oʻrtasida 870-yil 8(9)-avgust kuni Lotaringiyani boʻlib olish (Lotaringiya qiroli Lotar II ning 869-yildagi vafotidan keyin) masalasida imzolangan shartnoma. Unga muvofiq Lotaringiyaning gʻarbiy qismi Karl Yaltiroqboshga va sharqiy (katta) qismi Lyudovik Nemisga tegdi.