Abadiy quyosh botishi

Soxtalashtirib o’z nomidan tarqatish ta’qiqlanadi. Qonuniy jazo muqarrar va Allohning o’zi 
kifoya qilsin! 
safar sening savollaringga javob beraman. Men qaror qildim va hamma narsani o'zim 
uchun hal qildim. 
- Girra, - men ikkilanib, ishonchim komil emasdi. – Esmening qaytib kEllishini 
istamayapti, deb o'ylamagin-u, lekin .. Agar shunday bo'lsa... – Men kerakli so'zlarni 
topolmasdim. 
- Meni diqqat bilan tingla, Bella va uning gapimni bo’lma. – U jiddiy tarzda 
ifodaladi. – Bu, aslida, mening joyim emas. So'zlarimga ishon. Bu men uchun chidab 
bo'lmas yuk… Keyin, Esme vafotidan so’ng, men senga hamma narsani aytmadim, 
Bella. Otam menga topshiriqni oxirigacha bajarmaganimni aytgandi. Men oilamizni 
davom  ettirishim  kerak  edi.  Ammo  endi  mening  vazifam  deyarli  yakunlandi.  Men 
ikkita  bolani  dunyoga  keltiraman.  Mening  qizimning  ismi  Lusi  bo’ladi.  U  buyuk 
mavjudotga aylanadi. Ular tug'ilganidan so’ng men sizlarni tark etaman... 
- Ammo, Girra, bunday qilolmaysan... Karlayl… Qanday qilib unga yana ozor 
berasan... – yuragimga vahima kirib oldi. 
- Bella, gapimni tugatib olay! – U  dalda beruvchi tarzda mening qo'limni silab 
qo'ydi. – Men yo’lini topdim. Esmeni qaytarish mumkin. Endi bunga aminman. Faqat 
menga  biroz  ko'proq  vaqt  kerak.  Bella,  bizning  Karlayl  bilan  munosabatlarimizni 
ko’ryapsanmi? Ular boshqacha... U faqat Esmeni sevardi va shunday bo’lib qoladi. 
Mendan u faqat tasalli va ko'mak topdi, xolos. Biz o’zaro bog’liq rishtalarga egamiz. 
U otasi bo'lishdan baxtiyor, men bilan birga uning ruhi dam oladi, lekin boshqa hech 
narsa  yo'q.  Men  esa  hamma  narsani  o'zgartira  olishimni  bilsam  ham,  shunchaki, 
Esmening o'rnini egallayolman. 
- Ammo, Bagirra, sen uni sevasan-ku! Men Edvardni sevganim kabi, sen ham 
butun qalbing bilan, butun vujuding bilan sevasan-ku! 
-  Ha,  Bella.  Sen  haqsan...  Men  uni  chindan  ham  hamma  narsadan  ko'proq 
sevaman. Qurbonlik qilishimning yagona sababi ham shu. Sevgi uchun qurbonlik. 
- Men seni tushunmayapman… 
-  Bella,  sen  Edvard  uchun  nimaga  tayyorsan?  Barchasi  uchun!  Men  ham 
hamma  narsaga  tayyorman.  Men  uni  baxtli  ko’rmoqchiman.  Buni  faqat  Esmeni 
qaytarish orqaligina amalga oshirish mumkin. 
-  Yo’q,  unday  emas.  Karlayl  Esmeni  juda  yaxshi  ko'rardi,  ammo  sen  uning 
uchun juda qadrlisan. Ketsang, uni qattiq ranjitasan. 
-  Bu  safar  men  yo'qolib  qolmayman,  ketishimdan  oldin  hamma  bilan 
xayrlashaman.  Bu  safar  teng  almashinuv  amalga  oshiriladi.  Axir  men  Esmeni 
qaytaraman. Mendan Karlaylga Lusi – bizning umumiy qizimiz qoladi. 
-  Bagirra,  qizingni  tashlab  ketmoqchimisan?  Usiz  ketasanmi?  –  Hayratdan 
og’zim lang ochilib qoldi. 

---

@Sumerki_Twilight_Zulmat_ostonasi  // Abduqodir Toshpo’latov 
 
Soxtalashtirib o’z nomidan tarqatish ta’qiqlanadi. Qonuniy jazo muqarrar va Allohning o’zi 
kifoya qilsin! 
- Esme unga buyuk ona bo'ladi, ehtimol mendan ham yaxshiroq. Sizlar bilan u 
haqiqiy  boshpana  va  oilaga  ega  bo'ladi.  Men  unga  bularning  hammasini 
berolmayman,  men  abadiy  adashgan,  yolg'iz  ruhman…  Aftidan,  yer  yuzida  abadiy 
daydib yurish mening oilam taqdiriga yozilgandir. Sizlar uni muhabbat, g'amxo'rlik 
va iliqlik bilan voyaga yetkazasiz. Bundan tashqari, uning yonida  o’z otasi bo'ladi. 
Vaqti kelganda esa sizlar unga men haqimda aytib berasiz. 
- Girra, men senga nima deyishni ham bilmayapman... 
- Hech narsa dema... Men qaror qabul qilib bo’ldim. Endi chekinish yo'q! Sen 
bilan  uchrashtirgani  uchun  taqdirimdan  minnatdorman  va  afsuslanadigan  narsam 
qolmadi. 
- Va ... qachon sen... 
- Bolalar tug'ilgandan so’ng sizlarni tark etaman. – Bagirra afsus bilan ko'zlarini 
pastga tushirdi va keyin indamay shoxdan sakrab tushib, o'rmon uzra g'oyib bo'ldi.