@Sumerki_Twilight_Zulmat_ostonasi // Abduqodir Toshpo’latov
Soxtalashtirib o’z nomidan tarqatish ta’qiqlanadi. Qonuniy jazo muqarrar va Allohning o’zi
kifoya qilsin!
ixtiyorim bilan inson bo’lib qolishni rad etgandim, shunday bo’lsa-da, baribir men
onalik baxtiga erishgandim. Men Rozalining dardini tushunar, unga hamdard edim,
lekin yordam berolmasdim.
- Rozali, men nima deb o'ylayotganingni bilaman. – Bagirraning yumshoq
ovozini payqab qoldim. Biz uni eshitmasligimiz uchun u past ohangda gapirishga
urinardi. Men esa o'girilib o'tirmadim, o’zimni uning qiyofasini sezmagandek qilib
ko'rsatdim.
- Bu tabiiy, ongni o’qiy olganingdan keyin… – Rozali afsus bilan xo'rsindi.
- Sen nima deb o'ylayotganingni bilish uchun fikrlarni o'qish shart emas. Sening
ko'zlaring hamma narsani bayon etib turibdi. Sen azoblanyapsan, Rouz. Sen farzand
ko'rolmasligingdan g’am-anduhga botgansan.
- Girra, bu men uchun juda qiyin sinov. Nessi paydo bo'lishi bilan men uchun
yanada qiyinlashdi. Bilasanmi, men uni o’z qizimdek yaxshi ko'raman, meni onam
deb chaqirishini xohlayman. Buning oqibatida esa men Bellani yomon ko'rib
qolishimdan qo'rqaman. Ba'zan ularning baxtini ko'rmaslik uchun bu uydan ketishni
istayman. Rozalining ovozi titrardi, mening esa so’ngan yuragim go’yo ko’ksimga
tiqilib qoldi.
Rouz... Men, albatta, aniq ishonchim komil emas... – Bagirra so'zlarini tanlab,
biroz to’xtaldi. – Lekin men senga
yordam bera olaman, deb o'ylayman...
Men o’zimni bosolmay asta o'girildim. Men Rozalining ko'zlari yonayotganini
ko'rdim, lekin u his-tuyg'ularini jilovlashga urinardi. – Bagirra, menga hech kim
yordam berolmaydi. Men hech qachon farzand ko'rolmayman va boshqasi esa kerak
emas.
Men Bagirraning nigohiga razm soldim. U kerakli so'zlarni qidirardi. –
Bilasanmi, otam vampirlar va bo'rituslar ustida tadqiqot olib borgan. Albatta,
tajribalar hech qachon amaliy tarzda o'tkazilmagan, ammo nazariy jihatdan... –
Bagirra ikkilanib turdi va keyin yana davom etdi. – Vampirning tanasi bolani
homilador qilishga qodir, ammo uni dunyoga keltirolmaydi. Agar siz homilani
inkubatorga qo'ysangiz – vampir bola tug’ilishi va, bir vaqtning o'zida, omon qolishi
mumkin bo'lgan tanada bo'lsa, unda ijobiy natija uchun imkoniyat bor.
- Rozali unga g’ayrioddiy mas’um nigoh tashladi. – Ammo bunday inkubatorni
qayerdan olishim mumkin? Bunday sinovga hech kim dosh berolmaydi. Homila ham
rivojlana olmaydi… Vampirlar o'smaydi, unutdingmi?
- Nazariy jihatdan, Rozali, men ushbu inkubatorga aylanishim mumkin. Sen va
Emmetdan bola barcha genlarni, mendan esa rivojlanish qobiliyati hamda qo'shimcha
qobiliyatlarni oladi. - Bagirra ajib tarzda jilmayib qo'ydi.
Rozalining ko'zlarida baxt va umid uchquni alangalandi. U Girraning qo'llarini
ushlab, uning ko'zlariga tikildi. – Girra, buni men uchun qila olasanmi???