Ақамли илмий кенгаш ўзбекистон педагогика фанлари илмий-тадқИҚот институти

2-расм. Педагогик хизматлар сифатини комплекс таҳлил қилишнинг ахборот тизими бошқаруви
Расмда акс эттирилган тизимнинг архитектураси Web-сервер + Web-мижоз принципи асосида ишлаб чиқилган. Ахборот тизимининг тақсимоти ядро ва турли даражадаги тизимлар: тизимнинг бошқариш даражаси, вазирлик апарати даражаси, республика даражасидаги муассаса ва ташкилотлар даражаси, вилоят бошқаруви даражаси, вилоят даражасидаги бошқарувга эга муассасалар даражаси, туман даражаси ва таълим муассасаси даражасидан иборат бўлади.
Педагогика олий таълим муассасалари марказий маълумотлар базасини ишга тушириш учун даставвал маълумотларни киритиш, уларни таҳрир қилиш имконини берувчи ва экранга чиқадиган шаклларни ишлаб чиқиш талаб этилади. Таълим муассасасидаги таълим-тарбия жараёнига оид барча маълумотлар биринчи даражада умумлаштирилиб, маълумотлар юкланадиган пакетида мўжассамлаштирилади. Шундан сўнг, қолган юқори даражаларга автоматлаштирилган ҳолда маълумотлар юкланадиган тизим экранда кўринадиган шаклларни намоён қилади. Умумлашган ҳолда экранда кўринадиган шаклларни ишлаб чиқишда тизимли ва мунтазам фойдаланиладиган шакллар ҳамда махсус дастур бирлаштириб чиқарадиган махсус кўрсатма(тугма)лар инобатга олинади.
Ахборот хизмати тизимини ташкил қилишда моделлаштириш методологияси муҳим бўлиб, у нафақат математик моделларни, балки бошқа, яъни: матн, таблица, расм, алгоритм, дастурларни яратишни ўз ичига қамраб олади. Ахборотли модель турли моделлар интеграцияси асосида юзага келади.
Диссертациянинг учинчи боби “Таълим менежментида ахборот хизматини такомиллаштириш бўйича тажриба-синов ишлари ва самарадорлик даражаси” деб номланади. Унда педагогика олий таълим муассасаларидаги ахборот хизмати самарадорлигини ошириш мақсадида олиб борилган тажриба-синов мазмуни, босқичлари, самарадорлик даражаси ўз ифодасини топган.
Тажриба-синов ишлари тўрт босқичдан: аниқловчи (2016–2017), таъкидловчи (2017–2018), шакллантирувчи (2018–2019), якунловчи босқич тажриба-синов (2018–2019) ишларидан иборат бўлиб, педагогика олий таълим муасасаларини қамраб олган ҳолда ўтказилди.
Тажpиба-синов ишлари 2016-2019 ўқув йилларида Низомий номли Тошкент давлат педагогика университети, Жиззах, Навоий давлат педагогика институтларида апробациядан ўтказилди, амалиётга жорий этилди ҳамда таълим жараёнини инновацион ташкил этишда, ахборот хизматидан фойдаланиш стратегияларини такомиллаштиришга хизмат қилди. Тажриба ва назорат гуруҳларида жами 1183 нафар бакалаврлар, 93 нафар магистрантлар ва 68 нафар раҳбарходимлар ва профессор-ўқитувчилар жалб этилди (2-жадвал).