А. Рахмонов, Ё. Жуманазаров, С. Акбаров ёш даврлари психологияси

циклоид
хусусиятли, ўспиринлар эса 
шизоид
хусусиятлилигини таъкидлайди. Лекин инсоннинг камол топишида биологик шартланган сифатлар 
ҳамиша етакчи ва ҳал қилувчи роль ўйнай олмайди, чунки шахснинг индивидул-типологик 
хусусиятлари бир-бирига айнан мос тушмайди. 

---

17 
Биогенетик назариянинг намоёндалари – америкалик психологлар А. Гезелл ва С. Холл 
ривожланишнинг биологик моделига таяниб иш кўрадилар, бу жараёнда мувозанат, интеграция ва 
янгиланиш цикллари ўзаро алмашиниб туради, деган хулосага келадилар. 
Психология тарихида биологизмнинг энг яққол кўриниши Зигмунд Фрейднинг шахс 
талқинида ўз ифодасини топган. Унинг таълимотига биноан шахснинг барча хатти-ҳаракатлари 
(хулқи) онгсиз биологик майллар ёки инстинктлардан келиб чиқади, биринчи навбатда, жинсий 
(сексуал) майлга боғлиқдир. Бундай биологизаторлик омиллари инсон ҳулқини белгиловчи бирдан-
бир мезон ёки бетакрор туртки ролини бажара олмайди. 
Биогенетик назариянинг қарама-қарши кўриниши 
социогенетик 
назариядир. Бу назарияда 
шахсда рўй берадиган ўзгаришларни жамиятнинг структураси, ижтимоийлашиш (социализация) 
усуллари, атрофидаги одамлар билан ўзаро воситалари асосида тушунтирилади. Ижтимоийлашиш 
назариясига кўра инсон биологик тур сифатида туғулиб, ҳаётдаги ижтимоий шарт-шароитларнинг 
бевосита таъсири остида шахсга айланади. 
К. Левин тавсия қилган «фазовий зарурат майдони» назарияси ўз даврида муҳим аҳамият касб 
этган. К. Левин назариясига кўра, шахснинг ҳулқи (хатти-ҳаракати) психологик куч вазифасини 
ўтовчи иштиёқ (интилиш), мақсад (ният) билан бошқарилиб туради, бу кучлар фазовий зарурат 
майдонининг кўлами ва таянч нуқтасига йўналган бўладилар. 
Юқорида ифодаланган хар бир назария шахснинг ижтимоий ҳулқини у одам хохлаши ёки 
хоҳламаслигидан қатьий назар мазкур муҳитга мослашмоғи (кўникмоғи) зарур деган ғоидага амал 
қилади. 
Психологияда 
психогенетик
назария тарафдорлари, биогенетик ва социогенетик омилларни 
камситмайди, балки психик жараёнларнинг ривожланишини биринчи даражали ахамиятга эга деб 
ҳисоблайди.