A qodiriy nomidagi jizzax davlat pedagogika instituti tarix fakulteti

Raboti Malik karvonsaroyi. Raboti Malik karvonsaroyi Karmanadan 18 km g'arbda joylashgan, Cho'li Malikda barpo etilgan o'z davrining buyuk qasrlaridan biri bo'lgan. Dastlabki rabotlar VIII asrda ummaviylar xalifasi Amros ibn Abdulloh (727-729yy) birinchi rabotni qurdirgani haqida ma'lumotlar mavjud. Bu karvonsaroy Cho'li Malikda qurilib Buyuk Ipak yo'li ustida joylashgandir. Raboti Malik Markaziy Osiyodagi eng qadimgi monumental arxitektura yodgorligi hisoblanadi. Karvonsaroy Karmana va Tavois o'rtasida Buyuk Ipak yo'lidan o'tuvchi yo'lovchilar uchun muhim va zaruriy qo'nalg'a xizmatini ado etgan. Karvonsaroy 1069-1079 yillar orasida Buxoroda hukmronlikqilgan qoraxoniylar sultonlaridan bo'lgan Tamg'achxon Ibrohim (1046-1068yy) ning o'g'li Malik Shamsulmulk Nosir ibn Ibrohim (1068-1080yy) davrida qurilgan.

Tashqi devorlari 100 m, balandligi 12 m, gacha bo'lgan. Devorlari asosan xom g'ishtdan faqat tashqi qismi pishiq g'ishtdan terilgan. Raboti Malikda karvonsaroy bo'lib, uning maydoni 400 kv m, atrofida bo'lgan. Uning devorlarini to'rt burchagida to'rtta minora bo'lgan.Raboti Malikda mo'g'ul istilochilari ustidan 1238 yilda Mahmud Tarobiy g'alaba qozongan. XVI asr oxirlarida bu joy eng go'zal manzillardan biriga aylanib, Buxoro xoni Abdullaxon II har safarota yurti Karmanaga, ustozi Qosim Shayxni ziyorat qilishga kelganda Raboti Malikda to'xtab, xordiq chiqargan.