A qodiriy nomidagi jizzax davlat pedagogika instituti tarix fakulteti

Buzruk ota ziyoratgohi. Bekobod tuman Dehqonobod fermerlar uyushmasi Hamza qishlog'ida joylashgan. Asl ismi Ne'matulloxon Mag'ribiy. X asrning ikkinchi yarmida hozirgi Bekobod tumaniga kelib yashagan, chorvachilik va dehqonchilik bilan shug'ullangan. Olim va taqvodor inson bo'lgan.

Hazrat Ali vorislari bo'lmish Hasan va Husanning nabirasi Ne'matulloxon ibn Zaynobiddin Mag'ribiy arab xalifaligidan keyin O'rta Osiyoda yashab o'tgan mashhur mutasavvuf kishilardan biri edi. Ne'matulloxon Mag'ribiyning nomi islom tarixida deyarli yoritilmagan. Ne'matulloxon Mag'ribiy hazratlarini o'z davrida “Hazrati Buzruk” yoki “Buzruk bobo” deb atashgan. Taqdir taqozosi bilan Buzruk bobo o'rta asr o'rtalarida taxminan melodiy 950 yillar Buxoro shahridan qadimiy Xo'jand shaxriga qarab yo'lga chiqqan. Bu davrda mahalliy aholi, turli qabilalar o'rtasida o'zaro urushlar bo'lib turar edi. Xususan, Farg'ona, Xo'jand va O'ratepa shaharlarida ham ziddiyatli to'qnashuvlar bo'lib turgan. Ana shunday ziddiyatlarni bartaraf etishda Buzruk bobo kabi donishmand avliyolarning yordami va madadi katta ahamiyatga ega edi. Hazrat odamlarni imkoni boricha insof va diyonatga, ahillik va ezgulikka chaqirar edi. O'zlarining betakror karomatlari bilan kishilar ko'ngliga iliqlik va huzur bag'ishlagan.