A. M. Karimova, D. M. Malikova pul va banklar

Ishlab chiqarish munosabatlari - kishilarning yashash vositalarini ishlab chiqarish, taqsimlash, ayirboshlash va iste’mol qilish jarayonida ular oʻrtasida namoyon boʻladigan hatti-harakatlar.
Kapital - 1. Bank mijozning aksionerlik kapitali, uning strukturasi, aktiv va passivlar orasidagi munosabatlar. 2. Ishlab chiqarish va xizmat koʻrsatishda ishlatilib, oʻz egalariga daromad keltiradigan ishlab chiqarish vositalari, tovarlar va pul mablag’lari.
Kapital sarflar - asosiy kapitalni qayta tiklash, kengaytirish va aylanma mablag’larni koʻpaytirishga sarflanadigan harajatlar.
Kapitaldan foydalanish samaradorligi - ikki holatni ifodalaydi. Asosiy kapitaldan foydalanish samaradorligi qoʻshimcha kapital mablag’lari sarflamay turib maxsulot miqdorini koʻpaytirishga erishishdir. Milliy iqtisod miqyosida milliy maxsulot yoki milliy daromad oʻsishi sur’atlari bilan asosiy kapital oʻsishi sur’atlari oʻrtasidagi nisbat asosiy kapitaldan foydalanish darajasining umumiy koʻrsatkichi hisoblanadi. Korxona miqyosida kapital samaradorligi asosiy kapitalning bir soʻmi e’vaziga ishlab chiqarilgan maxsulot miqdori bilan, kapital sig’imi esa ishlab chiqarilgan maxsulotning bir soʻmi hisobiga qancha asosiy kapital qiymati toʻg’ri kelishi bilan aniqlanadi.
Kapital qoʻyilmalar - quvvatlarni takror ishlab chiqarish, ishlab chiqarish va noishlab chiqarish ob`yektlarini qurishga qaratilgan resurslar va jami ijtimoiy mehnatning qiymatini aks ettiruvchi iqtisodiy kategoriya. Davlat tomonidan (davlat buyurtmasi), turli mulkchilik shakllaridagi korxonalar, tashkilotlar, banklar hamda xususiy shaxslar tomonidan ajratiladigan pul mablag’lari kapital qoʻyilmalarning manbalari boʻlishi mumkin. Kapital qoʻyilmalar yangi korxonalar qurishga yoki amaldagi korxonalarni qayta ta’mirlashga yoʻnaltirilishi mumkin.
Kapital qoʻyilmalarni moliyalashtirish - asosiy fondlarni yangilash, rekonstruksiya qilish va kengaytirishga aytiladi. Kapital qoʻyilmalar asosan bank tomonidan amalga oshiriladi, bu qurilish kompleksi oldiga qoʻyilgan vazifalarni bajarishda katta ahamiyatga ega.