A. M. Karimova, D. M. Malikova pul va banklar

Import operasiyalari - mahsulotni xorijiy sheriklardan sotib olish va mamlakatga olib kirish.
Import shartnomasi - Oʻzbekiston Respublikasi rezidenti boʻlgan xoʻjalik sub`yekti bilan norezident xorijiy hamkor oʻrtasida oʻz valyuta mablag’lari hisobidan toʻlanadigan tovarlar, ishlar, xizmatlar importi xususida tuzilgan shartnoma.
Import shartnomasiga qoʻshimcha kelishuv - import shartnomasining shartlariga taraflar bilan kelishib kiritiladigan va yozma shaklda tasdiqlangan oʻzgartish va qoʻshimchalar.
Importchilar - norezident xorijiy hamkorlar bilan import shartnomalari tuzgan xoʻjalik sub`yektlari - Oʻzbekiston Respublikasi rezidentlari.
Investisiya - 1. nem.investitlion, lat. investere- soʻzdan olingan boʻlib, «kiyintirmoq» degan ma’noni anglatadi. Biror ish, korxonaga sarmoya solish, mablag’ sarflash. 2. Daromad olish maqsadida pul mablag’larini biror ishga qoʻyishdir. 3. Iqtisodiy samara (foyda, daromad) olish yoki ijobiy ijtimoiy natijaga erishish uchun sarflanadigan pul mablag’lari, banklarga qoʻyilgan omonatlar, paylar, qimmatli qog’ozlar (aksiya, obligasiyalar), texnologiyalar, mashinalar asbob-uskunalar, lisenziyalar va samara beradigan boshqa har qanday boyliklardir.4. Daromadlar yoki foyda olish uchun pul mablag’larini kiritish. Daromadlar yoki foyda olish uchun xarid qilingan mulk.
Inflyasiya - 1. Lotincha soʻzdan olingan boʻlib, «shishish, koʻpchish, koʻtarilish» degan ma’noni anglatadi. Pulning qadrsizlanishi. Pulni me’yordan koʻp ishlab chiqarilishi oqibatida pul harakati kanallarida tovar bilan ta’minlanmagan pullarning paydo boʻlishi. Tovar va xizmatlar bahosining oʻsishi, bozorda talabga javob bermaydigan mollarning koʻpayishi, ortiqcha pul birliklarini muomalaga chiqarish inflyasiyaga olib keladi. 2. Pul muomalasi qonunlarining buzilishi natijasida milliy valyutaning qadrsizlanishi, narxlarning oʻsishi. 3. Tovar muomalasiga nisbatan qog’oz pul massasining ortiqchaligidir.
Inflyasiya darajasi - ma’lum vaqt ichida (oy, yil) narxlar darajasining foizdagi oʻzgarishi.