A. M. Karimova, D. M. Malikova pul va banklar

Jalb qilingan muddatli depozitlar - yuridik va jismoniy shaxslarning shartnomada qat’iy kelishilgan muddat va unda koʻrsatilgan foizlarni toʻlashga doir mablag’laridir. Muddatli depozit hisob varag’i ochilganda jismoniy shaxsga omonat daftarchasi beriladi.
Jamg’arma - aholi, firma va davlat joriy daromadlari bir qismini kelajakdagi ehtiyojlarni qondirish va foizli daromad olish maqsadida toʻplab borilishi.
Jamg’arma fondi - yalpi milliy maxsulotning aholi, firma va davlat joriy daromadlarining iste’moldan ortgan qismining kelajakdagi ehtiyojlarini qondirish va foizli daromad olish maqsadlarida iste’mol qilinadigan qismi.
Jamg’arma vositasi - bu pulning jamlangan boylik shakliga kirib, oʻz egasi uchun kerak boʻlganda xarid etish vositasi boʻlib xizmat qila olishdir. Pul-qog’oz yoki tanga boʻlgani uchun boylik emas balki oʻzida mehnatni mujassamlashtirgani, unga hamma narsani xarid etish yoki uni jamlab saqlash mumkin boʻlgani uchun boylik hisoblanadi.
Zakot - 1. Islom mamlakatlarida shariat hukmi boʻyicha puldor, mulkdor musulmonlarning oʻz mol-mulkidan ixtiyoriy beradigan xayr-ehsoni, musulmonlikning farzlaridan biri boʻlib, zakotning olinishi, miqdori va undirish tartib-qoidalari qur’onda koʻrsatib oʻtilgan. 2. Oʻrta Osiyoda zakot chorva va mol-mulkning qirqdan bir ulushi miqdorida har yili xazina foydasiga olingan soliq turi.
Zararlar - ishlab chiqarish xarajatlarining daromaddan oshib ketgan qismi.
Ijara – 1.Shartnoma asosida buyumlarning vaqtinchalik foydalanishga belgilangan ijara xaqi toʻlovi asosida berilishi. 2. (arab)-mustaqil xoʻjalik yuritish yoki boshqa biror faoliyatni amalga oshirish maqsadida yer, suv, korxona va boshqa mulkka egalik qilish hamda vaqtincha foydalanish uchun toʻlanadigan muayyan haq.
Import - 1. Mamlakat ichki bozorlarida sotish uchun chet el mollarini, kapitalini, texnologiyasini va xizmatlarni olib kelish. Import xalqaro mehnat taqsimoti natijasidir. U vaqtni tejashga, iqtisodiyot, aholi ehtiyojini qondirish vazifalarini muvaffaqiyat bilan hal qilishga koʻmaklashadi. 2. Chet mamlakatlarda ishlab chiqarilgan mahsulotlar va xizmatlarni mamlakatga keltirish va ichki bozorda sotishidir.