A. M. Karimova, D. M. Malikova pul va banklar

Veb-interfeys – operator yoki toʻlovchi tomonidan toʻlov rekvizitlarini kiritish uchun muloqot darchasi.
Veksel - 1. Nemischa soʻzidan olingan boʻlib, bu veksel beruvchidan yoki vekselda koʻrsatilgan boshqa toʻlovchining vekselda koʻrsatilgan muddat kelganda veksel egasiga ma’lum miqdordagi summani toʻlash haqidagi soʻzsiz majburiyatini tasdiqlovchi qimmatli qog’ozidir. 2. Qat’iy belgilangan shakldagi yozma qarz majburiyati.
Veksel portfeli - muayyan davrda bank yoki korxona ixtiyorida jamlangan veksellar majmui.
Vekselni akseptlash - veksel qiymatini toʻlanishiga rozilik berish.
Veksel - veksel beruvchining yoki vekselda koʻrsatilgan boshqa toʻlovchining vekselda nazarda tutilgan muddat kelganda veksel egasiga muayyan summani toʻlashga doir shartsiz majburiyatini tasdiqlovchi noemissiyaviy qimmatli qog’oz.
Veksel usuli -tovar yetkazib berilgandan soʻng sotuvchi xaridorga trattani taqdim etadi, xaridor oʻz navbatida akseptlaydi ya’ni, trattada koʻrsatilgan yig’indini oʻz vaqtida toʻlashga rozilik beradi.
Venchur – bu soʻz ingliz tilidan olingan boʻlib, “venture” –tavakkal ish, korxonalar miqyosida ishlatilganda, “q o’rqinchli, xavfli , xatarli” degan ma’noni bildiradi.
Voris - meros olish huquqiga ega boʻlgan shaxs, merosxoʻr, boʻlg’usi meros egasi. Bobolardan meros qolgan moddiy va ma’naviy boyliklarga egalik qiluvchilar.
Vorislik huquqi - meros qoldirilgan mol-mulkning vorislar qoʻliga oʻtishini ta’minlaydigan huquqiy me’yorlar majmui.
Garov - 1. Aniq bir majburiyatni, shartni bajarish, qarzni belgilangan vaqtda qaytarishni kafolatlash maqsadida qimmatbaho buyum yoki boylikni qarz beruvchiga qoldirish. 2. Biror narsa yoki hodisa haqida bahslashuvchi ikki tomon oʻrtasidagi shart.
Global moliyaviy-iqtisodiy bozor - jahon mamlakatlari oʻrtasidagi moliyaviy-iqtisodiy aloqalarni yagona xoʻjalik tarzida amal qilishiga asoslangan munosabatlar.
Global moliyaviy-iqtisodiy inqiroz – jahonning deyarli barcha mamlakatlarida moliyaviy, iqtisodiy va ijtimoiy sohalardagi mutanosiblik va nisbatlarning keskin izdan chiqishi natijasida beqarorlik va chuqur tanglik holatlarining vujudga kelishi.
Davlat banklari davlat mulkiga asoslanib faoliyat koʻrsatadigan banklar. Respublikamizda bunday banklar qatoriga OʻR TIF Milliy banki, OʻR DT Xalq bank va DATB “Asaka”.
Davlat byudjeti - davlatning oʻz funksiyalarini amalga oshirish uchun moʻljallangan daromadlari va xarajatlarining pul bilan ifodalangan yillik majmui. Davlat byudjeti bir yilga tuzilib, uning daromadlar qismida soliqlar, bojxona toʻlovlar hamda boshqa tushumlar, xarajatlar qismida esa davlatning ta’lim, sog’liqni saqlash, mudofaa xarajatlari va turli xil ijtimoiy toʻlovlar aks etadi.