A. M. Karimova, D. M. Malikova pul va banklar

Kredit sub`yektlari - har xil boʻlishi mumkin. Bunda 2 tomon, ya’ni, qarz beruvchi (kreditor) va qarz oluvchi (debitor) ishtirok etadi. Bularga korxona, firma, tashkilot, davlat va turli toifadagi aholi kiradi.
Lizing - asosiy fondlarni uzoq muddatga ijaraga olish. Yangiliklarni, ishlab chiqarish va sotishni moliya bilan ta’minlash usuli. Lizing sanoat korxonalariga bir yoʻla katta miqdorda pul sarf qilmasdan kerakli mahsulotlarni olish imkonini beradi. Lizing ikki koʻrinishda: moliyaviy va tezkor boʻladi. Moliyaviy lizing ijaraga olingan fondning toʻla qiymatini va ijarachi foydasini qoplashni koʻzda tutadi. Tezkor lizing- amortizasiya davridan qisqa muddatga tuzilgan kelishuv.
Lizing ob`yekti - tadbirkorlik faoliyati uchun foydalanadigan, iste’mol qilinmaydigan har qanday ashyolar. Shu jumladan, korxonalar, mulkiy komplekslar, binolar, inshootlar, uskunalar, transport vositalari hamda boshqa koʻchar va koʻchmas mulk lizing ob`yektlari boʻlishi mumkin. Yer uchastkalari va boshqa tabiat ob`yektlari lizing ob`yektlari boʻla olmaydi.
Mamlakat xatari (riski) - bu mamlakatdagi siyosiy va iqtisodiy sharoitlarning hozirgi va kelajakdagi oʻzgarish xatari korxona tashkilot, firmalarga ta’sir koʻrsatadi. Bu asosan tashqi iqtisodiy faoliyat bilan shug’ullanuvchi, tovar va xizmatlarni eksport qiluvchi korxonalar faoliyatiga katta ta’sir qiladi.
Mamlakatning Markaziy banki - ma’lum bir davlatning bank tizimining asosiy qismi.
Mahalliy byudjet - Davlat byudjetining tegishli viloyat, tuman, shahar pul mablag’lari jamg’armasini tashkil etuvchi bir qismi boʻlib, unda daromadlar manbalari va ulardan tushumlar miqdori, shuningdek, moliya yili mobaynida aniq maqsadlar uchun ajratiladigan mablag’lar sarfi yoʻnalishlari va miqdori nazarda tutiladi.
Mehnat - Kishilarni maqsadga muvofiq faoliyati mehnat deyiladi.
Mehnat birjasi - ishchi, xizmatchi va ish beruvchi oʻrtasidagi ishchi kuchini sotish va sotib olish boʻyicha kelishuvni amalga oshirishda muntazam vositachi vazifasini oʻtaydigan, ishsizlar hisobini yuritadigan, ularni ish bilan ta’minlash, qayta oʻqitish kabilar bilan shug’ullanuvchi davlat muassasasi.