A. I. Umirdinov, A. M. Xakimov xalqaro ommaviy huquq sud amaliyoti o‘quv-uslubiy qo‘llanma (keyslar to‘plami) toshkent – 2018

7-modda
Istisnolar
Mazkur Bitimning istalgan Ahdlashuvchi Tomon yoki istalgan uchinchi Davlat investorlari uchun yaratilajak eng qulay rejim xususidagi qoidalari Ahdlashuvchi Tomonlarning hech birini boshqa Ahdlashuvchi Tomon investorlariga nisbatan quyidagilar bilan bog‘liq ravishda ko‘zda tutilgan afzal rejim, ustunlik yoki imtiyozlarni qo‘llashga majbur etmaydi:
a) to‘laligicha yoki qisman soliq solishning shartlariga tegishli bo‘lgan har qanday xalqaro bitim yoki shartnoma yoxud to‘laligicha yoki qisman soliq solish shartlariga oid ichki qonunchilik;
b) mavjud bo‘lgan va kelgusida tuziladigan har qanday bojxona uyushmasi, erkin savdo zonasi to‘g‘risidagi bitim yoki istalgan Ahdlashuvchi Tomon a’zosi hisoblangan yoki a’zosi bo‘lishi mumkin bo‘lgan bir xil xalqaro bitim;
v) Isroil Davlati 1992 yilning yanvarigacha Tomonlaridan biri bo‘lib kelgan Bitimning «Investisiya» (1-modda, 1-band) va «reinvestitsiya» (1-modda, 2-band) ta’riflari hamda 6-modda qoidalari.
8-modda
Ahdlashuvchi Tomon va boshqa Ahdlashuvchi Tomon investori o‘rtasidagi nizolar
1. Ahdlashuvchi Tomon va boshqa Ahdlashuvchi Tomon o‘rtasida ikkinchi Tomonning birinchi Tomon hududidagi investitsiyalariga nisbatan yuzaga kelgan har qanday huquqiy nizolarni imzolash uchun 1965-yil 18-martda Vashingtonda ochilgan Davlatlar va boshqa Davlatlar fuqarolari o‘rtasidagi investitsion nizolarni hal etish to‘g‘risidagi Konvensiyaga muvofiq maxsus Bitim yoki arbitraj yo‘li bilan hal etish uchun mazkur Bitim har bir Ahdlashuvchi Tomonga Investitsion nizolarni hal etuvchi Xalqaro Markaz (bundan buyon «Markaz» deb yuritiladi)ga murojaat qilish majburiyatini yuklaydi.
2. Ahdlashuvchi Tomonlardan birining hududida amaldagi qonunchilikka muvofiq ravishda tashkil etilgan yoki ro‘yxatdan o‘tkazilgan va bunday nizolar paydo bo‘lgunga qadar aksiyalarning ko‘pchiligi fuqarolarga yoki Boshqa Ahdlashuvchi Tomonning kompaniyalariga tegishli bo‘lgan kompaniyalarga Konvensiyaning 25(2)(b)-moddasiga muvofiq Konvensiya maqsadida boshqa Ahdlashuvchi Tomonning kompaniyasi sifatida qaraladi.
3. Agar shunday nizolar paydo bo‘lsa va o‘zaro kelishuv yoki nizo paydo bo‘lganligi to‘g‘risida xabar berilgan kundan boshlab uch oy mobaynida o‘zga tarzda hal etilmasa, ziyon ko‘rgan investor Markazning Bosh kotibiga Konvensiyaning 28 yoki 36-moddalariga muvofiq shu xususda iltimos bilan murojaat etgan holda ishni arbitraj yo‘li bilan ko‘rib chiqilishini tashkil etishi mumkin.
Nizolardagi ikkinchi tomon bo‘lib hisoblanuvchi investor kontrakt sug‘urtasiga muvofiq ko‘rilgan zararlarning bir qismi yoki to‘la hajmidagi tovon to‘lovlarini olishi uchun nizolarda birinchi tomon bo‘lib hisoblanuvchi Ahdlashuvchi Tomon ish ko‘rilayotgan jarayonning hech bir bosqichida yoki qaror chiqarilayotganda e’tirozlar bildirmaydi.
4. Quyidagi hollarda hech bir Ahdlashuvchi Tomon ko‘rib chiqish uchun Markazga topshirilgan nizolarni hal etish ishiga diplomatik kanallar orqali ta’sir ko‘rsata olmaydi, bordiyu:
a) Markazning Bosh kotibi yoki kelishtiruvchi komissiya yoki ular tomonidan tuzilgan hakamlik sudi nizo Markaz yurisdiksiyasidan tashqari deb qaror qilsa;
b) boshqa Ahdlashuvchi Tomon hakamlik sudi tomonidan chiqarilgan har qanday qarorni bajarmagan hollarda.