A. I. Umirdinov, A. M. Xakimov xalqaro ommaviy huquq sud amaliyoti o‘quv-uslubiy qo‘llanma (keyslar to‘plami) toshkent – 2018

5-modda
Ekspropriasiya
1. Ahdlashuvchi Tomonlardan har ikkalasi investorlarining investitsiyalari, ana shu Ahdlashuvchi Tomonning ichki zaruriyatlari bilan bog‘liq bo‘lgan jamoat maqsadlaridan mustasno bo‘lgan hollarda, natsionalizatsiya qilinmaydi, ekspropriatsiya qilinmaydi yoki ularga nisbatan tabiatan shunga o‘xshash tadbirlar qo‘llanilmaydi, yoxud boshqa Ahdlashuvchi Tomon hududida ekspropriatsiya (bundan buyon «ekspropriatsiya» deb yuritiladi), kamsitmaslik asosida ular uchun tez orada, aynan va foydali tovon to‘lanadi. Bunday tovon to‘lash bevosita ekspropriatsiya qilingunga qadar yoki bundan avval qanday hol yuz berganligiga bog‘liq ravishda zaruriy ekspropriatsiya barchaga ovoza qilingan vaqtda, ekspropriatsiya qilingan investitsiyalarning bozor narxiga muvofiq ravishda ana shu to‘lovlar kunigacha Ahdlashuvchi Tomon taqdim etgan stavka bo‘yicha o‘tkazilgan foizlarni o‘z ichiga oladi hamda erkin ravishda istalgan joyga o‘tkaziladi. Ekspropriatsiyadan ziyon ko‘rgan investorlar Ahdlashuvchi Tomon qonunlariga ko‘ra ana shu Ahdlashuvchi Tomonning sud yoki boshqa tegishli organlari tomonidan ularning ishi tezda ko‘rib chiqilishini va mazkur bandda belgilangan prinsiplarga muvofiq ravishda ularning investitsiyalari qiymatiga baho berilishini talab qilish huquqiga ega.
2. Ahdlashuvchi Tomon o‘z hududida amalda bo‘lgan qonunlarga ko‘ra ro‘yxatdan o‘tkazilgan yoki tashkil etilgan kompaniyaning aktivlari va Ahdlashuvchi Tomonning investorlari ega bo‘lgan aksiyalari 1,3-moddaning mohiyati doirasida ekspropriatsiya qilinganda yoki boshqa Ahdlashuvchi Tomon investorlari boshqa mulkiy huquqlarga ega bo‘lgan hollarda mazkur moddaning shunday aksiyalari yoki boshqa mulkiy huquqlarga ega bo‘lgan boshqa Ahdlashuvchi Tomon investorining investitsiyalariga nisbatan tezda, aynan va foydali tovon to‘lash to‘g‘risidagi 1-bandi qoidalari kuchga kiradi.
6-modda
Investitsiyalar va daromadlarni repatriatsiya qilish
1. Har bir Ahdlashuvchi Tomon boshqa Ahdlashuvchi Tomon investorlarining investitsiyalari borasida investor o‘zining barcha soliq majburiyatlariga rioya qilgan va valyuta tartibotlari qoidalarida belgilab berilgan barcha talablarni bajargan hollardagina ularning investisiyalari va daromadlarini erkin ravishda o‘tkazishga nisbatan joriy investisiyalari amalga oshirilgan kunda kuchga ega bo‘lgan barcha huquq va imtiyozlar uchun kafolat beradi. Pul o‘tkazish ortiqcha kechikishsiz sarmoya dastlab investitsiyalangan muomaladagi valyutada yoki investor va tegishli Ahdlashuvchi Tomon o‘rtasidagi kelishuvga binoan erkin muomaladagi boshqa valyutada amalga oshiriladi. Agar investor bilan boshqa tarzda kelishilmagan bo‘lsa, pul o‘tkazilayotgan vaqtdagi mavjud valyuta almashtirish kursi bo‘yicha pul o‘tkazish mumkin.
2. Ahdlashuvchi Tomonlardan birining valyuta kursi qoidalariga o‘zgarishlar kiritilgan holda, ana shu Ahdlashuvchi Tomon bunday o‘zgarishlar o‘z hududida amalga oshirilgan investisiyalarga ziyon yetkazmasligi xususida kafolat beradi.