A burxanov, O. Sattorqulov, G‗. Berdiyev, D. Eshpulatov mintaqaviy iqtisodiyot darslik

Mavzu bo‗yicha qisqacha xulosalar 
1. Transportning asosiy vazifasi keng aholi ommasi hamda milliy 
iqtisodiyot korxona va tashkilotlarining transport xizmatiga bo‗lgan barcha 
talab-ehtiyojlarini tula va yuqori sifat bilan qondirishdan iborat. 
2. O‗zbekistonning siyosiy va iqtisodiy mustaqilligini mustaxkamlash 
va uning jahon uyushmasiga kirib borishi uchun mukammal transport 
tizimiga ega bo‗lish kerak. Turli xil transport vositalari sanoat va qishloq 
xo‗jalik mahsulotlarini ishlab chiqarish va uni iste‘molchilarga o‗z vaqtida, 
isrof qilmasdan etkazishda faol ishtirok etadi. Aholini bir manzildan 
ikkinchi bir manzilga etkazishda ham transportning ahamiyati kattadir. 
3. Transport ishlab chiqarish tizimida muhim o‗rin tutishi bilan birga u 
xar qanday hudud xo‗jaligi majmuasining zaruriy o‗rini bo‗lib xizmat 

---

251
qiladi. Uning rivoji tufayli hududlarni iqtisodiy jihatdan ixtisoslashtirish 
mumkin. 
4. Mamlakat transport tarmog‗i temir yo‗l, avtomobil, aviatsiya, 
quvurlar va daryo suv yo‗llaridan iborat. Transportning barcha turlari 
yordamida Respublikada xar yili halk xo‗jaligi uchun zarur bo‗ladigan 
turli-tuman yuklar va yo‗lovchilar tashiladi. 
5. Transport infratuzilmasi - transport tizimini ishlashi uchun shart-
sharoit yaratadigan va mintaqa iqtisodiyotining asosiy tarmoqlaridan biri 
bo‗lib, hududlarning hududiy yaxlitligini va uning iqtisodiy makonining 
birligini ta‘minlaydi. Shuning uchun transport infratuzilmasini 
rivojlantirish mintaqada iqtisodiy o‗sishning innovatsion modelini amalga 
oshirish va aholining hayot sifatini yaxshilash uchun zarur shartidir. 
6. Mamlakatimiz uchun zamonaviy va rivojlangan transport 
infratuzilmasi haqiqatan ham kelajakka yo‗l desak hech qanday mubolag‗a 
bo‗lmaydi. Bu iqtisodiy o‗sish va iqtisodiyotni innovatsion rivojlanish 
yo‗liga sifatli o‗tish uchun strategik ahamiyatga ega. Mintaqaviy va xalqaro 
hamkorlikning yangi imkoniyatlari haqida gapirmasa ham bo‗ladi. 
Transport yo‗laklari va integratsiyalashgan transport markazlarini faol 
rivojlantirish bugungi kunning dolzarb masalalaridan biridir. Shubhasiz, 
transport infratuzilmasini rivojlantirmasdan turib, iqtisodiy o‗sishni 
ta‘minlash mumkin emas. 
7. 
O‗zbekistonda 
zamonaviy 
axborot-kommunikatsiya 
texnologiyalarini joriy etish, hayotning barcha javxalarida innovatsion 
usullar bilan bog‗liq bo‗lgan yuksak salohiyatli loyihalarni amalga oshirish 
bo‗yicha bir qator chora-tadbirlar amalga oshirilmokda. Bugungi kunda 
respublikamiz AKT sohasidagi eng jadal rivojlanayotgan mamlakat sifatida 
tan olingan.