А. Авлоний номидаги Халқ таълими ходимлари қайта тайёрлаш ва малакасини ошириш Марказий институти Ж. Йўлдошев, Ф. Йўлдошева, Г. Йўлдошева

Ўқувчилар билимини баҳолашнинг мониторинга қуйидагича бўлиши мумкин

Босқичлар жараёни	Натижа
I. Ўрганиш	Эсда сақлаш
II. Тушуниб олиш	Ўзлаштирганини айта билиш
III. Татбиқ эта олиш	Қоида, қонунни билиб олиб, ундан фойдалана билиш
IV. Таҳлил эта олиш	Қиёслаш, таққослаш бир-бирига боғлаш
V. Синтез	Ахборотни қайта ишлай олиш
VI. Баҳолаш	Кейинги билимга қадар

I. Ўқувчилар билими ва кўникмаларини баҳолашнинг рейтинг усули
Хуш, рейтинг нима? Унинг анъанавий баҳолашдан нима фарқи бор. Баҳолашнинг рейтинг усули жорий этилгач биз нималарга эришамиз.
Аввало рейтинг - инглизча сўз бўлиб, унинг луғавий маъноси инсон фаолиятидаги ижобий ёки салбий ўзгаришни англатади. Рейтинг аллақачон кўпгина Европа мамлакатларида қўйиладиган баҳо сифатида фойдаланилади.
Рейтинг тизими ўқувчилар билими сифатини назорат қилиш тури, методи ва шакли бўлиб, унинг ёрдамида ўқув фани таълим стандартларининг барча имкониятлари бўйича ўзлаштирилган билимлар сифатини баҳолаш жараёнидир.
Илғор усул сифатида рейтингни қўллашда шошма-шошарлик қилмаслик, уни пухта ўрганиш керак. Етарли база яратмасдан педагог, ўқувчи ота-оналарни пухта тайёрламасдан бу жараёнга кириш мутлақо мумкин эмас. Шошма-шошарлик билан киритилган рейтинг тизими ўқувчи, ота-она, ўқитувчи ишончсизлигига учраб, расмиятчиликка йўл тутиши мумкин. Бу эса янгича объектив баҳолаш мезонига шубха туғдиришига олиб келади.