А. Авлоний номидаги Халқ таълими ходимлари қайта тайёрлаш ва малакасини ошириш Марказий институти Ж. Йўлдошев, Ф. Йўлдошева, Г. Йўлдошева

Масофавий ўқитишнинг тамойиллари
1. Старт билимлари тамойили. Масофавий ўқитишнинг муваффақиятли амалга ошириш учун масофадан ўқитиш талабгори масофавий ўқитиш технологияси ва воситаларидан фойдаланиш ва уларни ишлатиш бўйича маълум бошланғич билим ва малакага эга бўлиши керак. Чунончи масофавий таълим олувчининг компьютер ва компьютер жиҳозларини (принтер, сканер, нусха кўчирувчи ва кўпайтирувчи аппаратлар ва турли мосламалар) мустақил ишлатишига, локал ва глобал алоқа
тармоклари орқали тегишли маълумотларни олишига ёки юборишига, бундай
маълумотлар билан ишлашига, бундай тармоқлар орқали мулоқотга киришишига тўғри келади. Бунинг учун эса ундан маълум даражадаги компьютер саводхонлиги, шунингдек, локал ва глобал алоқа тармоқларида ахборот алмашувини амалга ошириш малакаларига эга бўлиш талаб этилади. Масофавий таълим олиш талабгорининг бундай малакаларга ёки даражаларга, бошқача қилиб айтганда дастлабки тайёргарликка эга ёки эга эмаслиги масофавий ўқитишнинг самарадорлигини белгиловчи асосий омиллардан бири ҳисобланади.
2. Ўқитишда индивидуаллик тамойили. Маълумки, ўқитишни индивидуаллаштириш, бу, уни ҳар бир ўқувчининг ўз индивидуал хусусиятларига мослаб ташкил этишдан иборатдир.
Масофавий ўқитиш, ўқитишнинг анъанавий шаклидан ўзининг индивидуаллашганлиги билан кескин фарқ қилади. Ўқув жараёнини ўқув-методик ва ўқув-моддий жиҳатдан таъминлаш, ҳамда ўқитувчи ва ўқувчиларнинг фаолияти индивидуал характерга эга. Бу тамойил кириш ва жорий назоратлар асосида амалга оширилади. Жумладан, кириш назорати нафақат таълим олувчининг индивидуал иш (ўқиш) режасини тузиш учун, балки, зарур бўлса унинг муваффақиятли ўқиши учун дастлабки билим ва малакасидаги етишмайдиган кисмларни тўлдиришни назарда тутиш учун ўтказилади. Жорий назорат эса, жумладан, таълим олувчининг ўқиш траекториясини коррекция қилиб боришга хизмат қилади.

3. 
   Интерфаоллик тамойили. Бу тамойилнинг моҳияти шундаки, биринчидан у янги ахборот технологиялари муҳитида нафақат ўқитувчи билан ўқувчи, балки ўқувчиларнинг бир-бирлари билан ўзаро мулоқотлари ва контактлари қонуниятларини ифодалайди. Тажрибаларнинг кўрасатишича, масофавий ўқитиш жараёнида ўқувчилар ўртасидаги ахборот алмашуви интенсивлигидан юқори экан. Бинобарин, бу тамойил, масофавий ўқитишда, жараён қатнашчиларининг электрон адресларини барча қатнашчиларда бўлиш мақсадга мувофиқлигини назарда тутади.
   
4.