A. A. Qaxxarov, yu. Sh. Avazov, U. A. Ruziyev kompyuter tizimlari va tarmoqlari

1.13-rasm. Mikroprotsessorning soddalashtirilgan sxemasi.
Nazorat uchun savollar

1.Kompyuter (EHM) guruhlari haqida umumiy ma’lumotlarni bering.

2.Kompyuterlarni bajaradigan vazifasi bо‘yicha turlarga ajrating.
3.Mikrokompyuterlarning asosiy turlarini keltiring.
4.Shaxsiy kompyuterlarning qisqacha kо‘rsatkichlarini keltiring.
5.Hisoblash mashinalarining asosiy turlarini sanab bering.
6.Shaxsiy kompyuterning blok sxemasini chizib tushuntiring.
7.Tizimli shina nima?
8.SHK xotira qurilmalarining vazifasini tushintiring.
9.Matematik sooprotsessor nima va uning vazifasi.
10.Uzilish kontrolleri nima va uning vazifasi.
11.Kompyuter unumdorligini nima aniqlaydi.
12. Mikroprotsessorning qisqa tafsilotini bering, uning tarkibi va vazifasi.
13.Pentium 4 MP muhim xususiyatlarini tushuntiring.
14.”MP konveyeri” tushunchasini tushuntirib bering.
15.”Raqamli uy” nima?
16. MP portlarini tushuntiring.
17.RISC tarkibni tushuntiring.
18.CISC tarkibni tushuntiring.
19.VT, ATM, EM64T, La Grande texnologiyalarini tushuntiring.
20.CISC, RISC va VLIW mikroprotsessorlarining asosiy xususiyatlarini tushuntiring.


II-BOB. KOMPYUTER TIZIMLARIDA AXBOROTLARGA ISHLOV BERISH


Kompyuter tizimlari (KT) – bu ma’lumotlarga birgalikda ishlov berish uchun ishlatiladigan turli komponentlar to‘plamidir. Kompyuter tizimlarining asosiy maqsadi – kompyuterda masalalarni yechish jarayonlarini osonlashtirish. Ishlov beriladigan ma’lumotlarni ba’zida axborotlar deb hisoblash amalda mavjudligiga ko‘ra, axborotlarga ishlov berish maqsadidan kelib chiqib, axborot tizimlari va axborot-hisoblash tizimlari kabi atamalar ham qo‘llaniladi.
Axborot tizimi (AT) – bu axborotlarni tashkillashtiruvchi, saqlovchi va о‘zgartiruvchi tizim, yaʻni asosiy predmeti va mehnat mahsuloti axborot bо‘lgan tizim tushuniladi. Agarda axborot tizimida axborot ustida hisoblash-ishlov berish ishlari olib borilsa, u holda uni axborot hisoblash tizimi (AXT) deb atash mumkin.
Yuqorida qayd qilinganidek, kо‘pchilik zamonaviy AXT axborotlarni о‘zgartirmaydi, ma’lumotlarni о‘zgartiradi. Shuning uchun kо‘pincha ularni ma’lumotlarga ishlov berish tizimi deb ataladi.
Ma’lumotlarga ishlov berish tizimini (MIT) foydalanuvchiga zarur bо‘lgan ma’lumotlarni о‘zgartirish vosita va о‘zaro bog‘langan usullar tо‘plami sifatida qarash mumkin.
Axborot hisoblash tizimlarini jismoniy toifaga kiritiladi, vaholanki ularni mehnatining maxsuli jismoniy emas.