9-sinf jahon tarixi fanidan

Muhammad (s.a.v.)ning payg’ambarlik faoliyati. Islom dinining muqaddas kitobi "Qur’on" (lug’aviy ma’nosi "qiroat", "o’qish") deb ataladi. Qur’ondagi so’zlar Allohning so’zlari, u Alloh tomonidan Muhammad (s.a.v.)ga vahiy qilingan deb tushuniladi. Diniy kitoblarda ta’kidlanishicha, Alloh Muhammad (s.a.v.)ni payg’ambar etib tanlagach, unga 610- yildan boshlab vahiy kela boshlagan. Vahiy kela boshlagan birinchi kun islom tarixida "Laylat ul-qadr" (Qadr kechasi) deb ataladi. Vahiy kelishi 23 yil davom etgan. Muhammad (s.a.v.) yangi dinni juda katta qiyinchiliklar bilan targ’ib etganlar. Chunki ko’p xudolikka o’rganib qolgan arab qabilalari yangi dinni qabul qilishni istamas edilar. Ular hatto Muhammad (s.a.v.)ni o’ldirmoqchi ham bo’lganlar. Natijada Muhammad (s.a.v.) Makka shahridan Madina shahriga ko’chib o’tishga majbur bo’lganlar. Madinada ham islom dinini targ’ib etganlar. U yerda musulmonlar jamoasi - Ummani tuzadilar. Umma qisqa vaqt ichida kichik, lekin kuchli davlatga aylanadi. Diniy, ma’muriy va harbiy hokimiyat Muhammad (s.a.v.) qo’lida to’planadi. 630- yilda Makka shahri ham bo’ysundirilgan. Makka zodagonlari Muhammad (s.a.v.) hokimiyatini tan olishgan va uning yordamchilariga, islom esa hukmron dinga aylangan. Shu tariqa arab qabilalarini yagona qudratli davlatga birlashtirish hamda islomni yagona dinga aylantirishdek tarixiy maqsad ro’yobga chiqariladi. Muhammad (s.a.v.) 632- yilning 27- may kuni Madina shahrida vafot etganlar.
IV.O`tilgan mavzuni mustahkamlash: Tezkor savol-javob:
1. Islom dini qachon va qayerda vujudga kelgan? 2. Islom dinining asoschisi kim?
3. Islomga e’tiqod qiluvchilar qanday ataladilar? 4. Allohning so’zlari to’plami qanday ataladi?
5. Islom dini arkonlarini sanang. 6. Allohning uyi nima deb ataladi?
7. Arabistonda qanday shaharlar bor edi? 8. Payg’ambarimiz hayotiga tegishli sanalarni ayting.
9.Hijrat so’zining ma’nosi?


V.Dars yakunlarini chiqarish.
O’quvchilarda yuzaga kelgan savollarga javob berish.
O’quvchilar baholarini e’lon qilish.