9-ma’ruza mavzu: Sanoati va kommunal-maishiy korxonalarning gaz tizimlari Reja

.Bir bosqichli sanoat gazlashtirish tizimlari
Bunday tizimlarda (9.1-a rasm) asosan bir turdagi (asosan o‘rtacha bosimli) gaz quvurlari qo‘llaniladi.
9.1-rasm. Sanoat korxonalari gaz ta’minoti.
a) Bir bosqichli sanoat gazlashtirish tizimi:
1-korxonaga kiritish gaz quvuri va undagi zulfin; 2-sanoat korxonasi gaz quvuri;3-sexlararo gaz quvuri; 4-sexga kirish quvuridagi zulfin; 5-gaz sarfini o‘lchash punkti; 6-sex ichidagi gaz quvuri;7-agregatlarga tarmoq; 8-chiqarib tashlash quvuridagi jo‘mrak; 9-chiqarib tashlash quvuri; 10-gaz namunasini olish shtutseri.
Sanoat gazlashtirish tizimlarida gaz sarfini o‘lchash punktlari korxona uchun umumiy yoki har bir sexga bitta yoki har bir agregat uchun alohida bo‘lishi mumkin.
Gazning hisobiy bosim pasayishi korxona ulangan shahar gaz quvuridagi bosimga, pechlarga qo‘yiladigan texnologik talablarga hamda texnologik jarayonning bir tekisda bo‘lishiga bog‘liq.
Agar gaz quvuridagi sarf maksimal miqdordan minimal miqdorgacha (0 ga yaqin miqdorgacha) o‘zgarsa, unda eng yuqori yondirgich nagruzkasiga gaz tarmog‘ida ham eng yuqori sarf to‘g‘ri keladi. Gaz quvurida maksimal sarf bo‘lganda yondirgich oldidagi bosim hisobiy (nominal) bosimga teng bo‘ladi.Gazlashtirish tizimida sarf o‘zgarishi katta bo‘lsa bosim pasayishi kichik bo‘lishi kerak va aksincha. Aks holda sarf katta bo‘lganda tarmoqda bosim pasayib, yondirgich olidagi gaz bosimi kerak bo‘lganidan kamayib, pechlarda zarur bo‘lgan texnologik jarayonni ta’minlay olmaydi va bu sifatsiz mahsulot chiqishiga olib keladi.
Ikki bosqichli sanoat gazlashtirish tizimlari .
Bunday tizimlarda gaz bosimi bo‘yicha ikki xil quvurlar ishlatiladi: yuqori yoki o‘rtacha bosimli va past bosimli gaz quvurlari.
Ikki bosqichli sanoat gazlashtirish tizimlarining ikkita variantini ko‘rib chiqamiz.
1. Birinchi variant (9.1-b rasm). Bunday tizimda sanoat korxonasi shahar yuqori bosimli gaz quvuriga (ShYuBQ) zavod GTPsi yordamida ulangan.