8-mavzu: “Milliy g‘oya va ma’naviyat asoslari fanlarini o‘qitushda turli vositalardan foydalanish” mavzusidagi ma’ruza bayoni Reja

8-mavzu: “Milliy g‘oya va ma’naviyat asoslari fanlarini o‘qitushda turli vositalardan foydalanish” mavzusidagi ma’ruza bayoni
Reja
1. Prezident Islom Karimovning “Yuksak ma’naviyat – yengilmas kuch” asarida shaxs ma’naviyatini shakllantirish omillari va vositalari tahlili.
2. Milliy g‘oya va ma’naviyatga oid fanlarni o‘qitishda qo‘llaniladigan vositalar tasnifi.
3. O‘quv adabiyotlarining ta`limda foydalaniladigan asosiy vositalardan biri ekanligi, adabiyot turlari: darsliklar, ilmiy asarlar, ilmiy-ommabop asarlar.


Birinchi masalaning bayoni: Prezident Islom Karimovning “Yuksak ma’naviyat – yengilmas kuch” asarida shaxs ma’naviyatini shakllantirish omillari va vositalari chuqur tahlil etilgan. Yurtboshimiz yozganlaridek, “Biz milliy ma’naviyatni har tomonlama yuksaltirish masalasini o‘z oldimizga asosiy vazifa qilib qo‘yar ekanmiz, bugungi kunda ma’naviyatimizni shakllantiradigan va unga ta’sir o‘tkazadigan barcha omil va mezonlarni chuqur taxlil qilib, ularning bu borada qanday o‘rin tutishini yaxshi anglab olishimiz maqsadga muvofiq bo‘ladi”.
Eng avvalo, yoshlarga xalqimizning urf-odatlarini, milliy va umuminsoniy qadriyatlarimizni o‘rgatish va unga amal qilishni bildirish kerak;
Ikkinchidan, yoshlarga o‘tmish mutafakkirlar hayoti va ijodini, faoliyatini, qoldirgan ilmiy merosini o‘rgatish zarur. “O‘tmishimiz buyuk” degan gap quruq g‘ashga tegadigan iboraga aylanib qolmasligi uchun bu mutafakkirlarning nega buyukligini nima uchun jahon xalqlari bugungi kunda ham e’zozlab o‘qib o‘rganayotganliklarini, kashfiyotlari nimalardan iboratligini, insoniyat uchun qanday ahamiyatli ishlarni amalga oshirganliigini o‘rgatish kerak;
Uchinchidan, barkamol shaxs bo‘lishi uchun yurtimiz tarixini, o‘tmishini va bugunini mukammal bilishi shart;
To‘rtinchidan, O‘zbekistonda qanday muqaddas qadamjolar mavjud. Ular nima uchun muqaddasligini yoshlar bilishlari, o‘rganishlari zarur;