8-mavzu innovatsiyalarning sohalar bo`yicha turlari reja

3. Innovatsion loyihalarni moliyalashtirish manbalari.
Mulkchilik turlariga ko‘ra innovatsion loyihalarni moliyalashtirish manbalari quyidagilarga bo‘linadi (17.1-rasm):
- davlat investitsion resurslari (byudjet mablag‘lari, byudjetdan tashqari fondlar, davlat tomonidan qarz olish, aksiyalar paketlari, davlat tasarrufidagi mulk);
- tijorat va notijorat xarakteriga ega bo‘lgan xo‘jalik yurituvchi sub’ektlar hamda jismoniy shakllarining investitsion moliyaviy resurslari.
Bular qatoriga sug‘urta kompaniyalari, investitsion fondlar va kompaniyalar, nodavlat nafaqa fondlarining investitsion resurslari va boshqa sub’ektlarni ham kiritish mumkin bo‘ladi. Korxonalarga tegishli shaxsiy mablag‘lari, tijorat banklari va boshqa kredit korxonalari hamda hukumat tomonidan maxsus vakil qilingan investitsion banklarning kredit resurslarini ham kiritish mumkin.


17.1-rasm: Mulkchilik turlariga ko‘ra innovatsion loyihalarni moliyalashtirish manbalari.
Innovatsion loyihalarni davlat darajasida moliyalashtirish manbalari quyidagilarni kiritish mumkin. Davlatga tegishli byudjet va byudjetdan tashqari fondlar, bank kreditlari va sug‘urta tizimlari bo‘yicha “jalb qilingan” mablag‘lar, davlatning tashqi (xalqaro qarz olish) va ichki qarzi (davlat obligatsiya va boshqa ziyomlari) ko‘rinishidagi qarz mablag‘larini hisobidan amalga oshirish mumkin (17.2-rasm).

17.2-rasm: Innovatsion loyihalarni davlat darajasida moliyalashtirish manbalari.
Byudjetdan mablag‘ ajratilishi innovatsion loyihalarni moliyalashtirish faoliyatning har xil shakllarining muhim moliyaviy manbalari bo‘ladi.Bular hisobidan maqsadli innovatsion dasturlar, davlatning ustuvor innovatsion loyihalari bajariladi.Innovatsion dastur loyihalarning (multiloyiha va megaloyihalar) murakkab kombinatsiyasi bo‘lib, boshqaruv ob’ekti sifatida alohida loyihadan yoki o‘zaro bir-biri bilan juda zaif bog‘langan, korxona yoki uning ijrochilari tomonidan bajariladigan loyihalardan juda kuchli farq qiladi. Dasturni faqat yirik korxonalar birlashmasi, masalan, MSG (moliyaviy sanot guruhlari), yirik koorporatsiyalar konsorsiumi, mintaqa yoki megapolis, federal organlar amalga oshirishi mumkin. Innovatsion dasturlarni shakllantirish va amalga oshirishga ko‘plab misollar mavjud.
Innovatsion loyihalarni korxonalar darajasida moliyalashtirish manbalari quyidagilarga bo‘linadi (17.3-rasm):