8. 1-амалий машғулот мавзу: Ишлаб чиқаришда номувофиқ маҳсулотни бошқариш

НОМУВОФИҚ МАҲСУЛОТНИ БОШҚАРИШ 

1 Мақсад
Мазкур стандарт корхонадаги барча назорат босқичларида аниқланган номувофиқ 
маҳсулотни кўзда тутилмаган фойдаланишдан ёки истеъмолчига жўнатилишини олдини 
олишда белгилаш ва бошқариш тартибини ўрнатади. 
 
2 Қўлланиш доираси 
Мазкур стандарт маҳсулот (хом-ашё, материал, бутловчи қисмлар, ўлчаш воситалари, 
жиҳозлар, ярим тайёр, тайёр маҳсулот ва бошқалар)га қўйилган талабларга номувофиқ деб 
топилган ҳолатларда қўлланилади. 
 
3. Меъёрий манбаалар 

3.1 Ts 23677708-05:2020 Тузатувчи ва олдини олувчи чоралар 

3.2 Ts 23677708-07:2020 Мониторинг ва ўлчашлар
 
4. Атамалар ва таърифлар
4.1 Маҳсулот -кириш маълумоти ишлов берилиб чиқишга айланган жараён натижасидаги 
(хом-ашё, материаллар, ярим тайёр ва тайёр маҳсулот).
4.2 Номувофиқ маҳсулот -меъёрий ёки бошқа ҳужжатлардага қўйилган талабларга жавоб 
бермайдиган маҳсулот. 
4.3 Тузатиш -маҳсулотга қўйилган талабларга мувофиқ бўлмаган номувофиқ маҳсулотга 
нисбатан кўриладиган чора-тадбирлар.
4.4 Номувофиқ маҳсулотни йўқ қилиш -номувофиқ маҳсулотдан фойдаланишнинг олдини 
олиш учун қўлланиладиган чора-тадбирлар. 
5 Жавобгарлик ва хуқуқлар 
5.1 Сифат назорати ва ишлаб чиқариш бўлими раҳбарлари: 
-номувофиқ маҳсулот чиқишининг олдини олиш; 
-номувофиқ маҳсулот чиққанида қарор қабул қилиш ва технологик жараённи тўхтатиш; 
-номувофиқ маҳсулот чиқиш сабабларини аниқлаш, тузатувчи ва олдини олувчи чоралар 
кўриш; 
-номувофиқ маҳсулотга нисбатан чора кўриш. 
5.2 Сифат назорати бўйича масъул ходимлар: 
-номувофиқ маҳсулотни қабул килмаслик; 
-номувофиқ маҳсулотни кейинги жараёнга ўтказмаслик; 
-номувофиқ маҳсулот топилганда раҳбарга хабар бериш ва жараённи тўхтатиш; 
-номувофиқ маҳсулот келиб чиқиш сабабларини аниқлаш ва бартараф қилиш. 
5.3 Ишчилар: 
-номувофиқ маҳсулотни қабул қилмаслик ва кейинги жараёнга ўтказмаслик; 
-номувофиқ маҳсулот топилганда раҳбарига ёки сифат назорати бўйича масъулга хабар 
бериш ва учтадан ортиқ топилганда жараённи тўхтатиши; 
-номувофиқ маҳсулотни тузатиш ва бартараф қилишда иштирок этиш. 

---