8- мавзу. Туризм соҳасида овқатлантириш хизматлари

8.2. Туризм соҳасида овқатлантириш турлари ва таснифи
Ҳозирги иқтисодий модернизациялаш жараёнлари амалга оширилаётган бир пайтда иқтисодиётнинг асосий қисмини хизмат кўрсатиш соҳаси корхоналари эгалламоқда. Уларнинг улуши ялпи ички маҳсулотда, иқтисодиётда банд бўлганларнинг таркибида, давлат бюджетига тўланадиган солиқларда, янги иш ўринларини яратиш каби энг муҳим масалаларда муттасил ошиб бормоқда ва келажакда ҳам бу жараённинг давом этиши ҳуқуқий-меъёрий ҳужжатлар билан мустаҳкамланмоқда.
Давлат томонидан қўллаб-қувватлаш сиёсатини амалга ошириш, мамлакатимизда хизмат кўрсатиш соҳасини ривожлантиришни рағбатлантириш ҳисобига ижобий натижаларга эришилди. Ўзбекистон Республикаси Вазирлар Маҳкамасининг 2016 йил 26 февралдаги «2016-2020 йилларда хизмат кўрсатиш соҳасини ривожлантириш дастури тўғрисида» ги қарорида белгиланган вазифаларни амалга ошириш хизмат кўрсатиш соҳаси, жумладан, умумий овқатланиш соҳасини, унинг фаолияти, туризм соҳасидаги ўрни ва аҳамияти бўйича тадқиқотлар олиб бориш, соҳа тараққиётининг концептуал йўналишларини ишлаб чиқишни тақозо этади. Шунингдек, хизмат кўрсатиш соҳаси ривожи халқимиз фаровонлигининг ошишига бевосита таъсир қилади. Умумий овқатланиш корхоналари турли хусусиятларига кўра тавсифланади ва таснифланади. Умумий овқатланиш соҳаси субъектларини қуйидаги 10 та белгига кўра таснифланиши 8.1- жадвалда кўрсатилган.
Умумий овқатланиш соҳаси субъектларини таснифий белгилари ва турлари бўйича бир-бирига тўғри келадиган жиҳатлари жадвалда кўриниб турибди. Ушбу жадвални таҳлил қилганимизда унда кўрсатилган айрим белгиларни биз юқорида кўриб ўтдик. Фаолият муддатига кўра эса – доимий ва мавсумий турларга бўлинади. Мамлакатимизга ташриф буюрувчи туристлар мавсумий даврда келганликлари учун биз уларга доимий шаклда хизмат кўрсата олмаймиз. Шунинг учун биз фаолият муддатига кўра йилнинг маълум мавсумларида, куннинг аниқ бир овқатланиш даврида туристларга хизмат кўрсатамиз. Бундан кўриниб турибдики, туризм фаолиятида овқатлантириш хизмати аниқ бир вақтни белгилашни талаб қилади.
8.1-жадвал