8- мавзу. Туризм соҳасида овқатлантириш хизматлари

Бахт уйлари қошидаги буфетларда мева-чевалар, шоколад, конфетлар шунингдек, гуллар ва совға буюмлари бўлади. Никоҳдан ўтувчиларнинг хоҳишига қараб, олдиндан дастурхон тузатилиши ва официантлар хизмат қилиши мумкин.
Чойхоналарда чой ва ундан тайёрланган пишириқлар, қандолат маҳсулотлари, гўштли овқатлар, балиқ, тухум, мол гўшти, қовурилган тухум, колбаса ва бошқалар сотилади. Бу ерда асосан ўз-ўзига хизмат қилиш амалга оширилади. Бу чойхоналар Марказий Осиё давлатларида умумий овқатлантириш тизимининг асосларини ташкил қилади. Мустақиллик туфайли Ўзбекистонда чойхоналарга кенг имкониятлар берилди. Ўтган йиллар ичида шундай чойхоналар бунёд этилдики, улар фақат чой ичиш жойигина эмас, ажойиб ҳордиқ чиқариш, кўнгил очиш, дўстларнинг суҳбатлашиш маконига айланди. Бу ерда мижозларнинг ўзлари хоҳлаган овқатларини тайёрлашлари, айниқса, чойхона палови жуда машҳур. Чойхоналар маданий дам олиш масканига айланди.




Хулоса
Туризм соҳасида овқатлантириш хизматлари ўрнини алоҳида таъкидлаш зарур. Чунки барча туристлар хоҳ ички турист бўлсин, хоҳ ташқаридан келсин, улардан қатъий назар ресторан хўжалигига ёки овқатланиш тармоғидан фойдаланишга мажбур. Акс ҳолда инсонлар овқатланиш учун барча маҳсулотларни ўзлари билан олиб юриши керак ёки уй шароитларида тайёрлаб, истеъмол қилиши керак бўлади. Аммо туристларда бундай имкониятлар йўқ, шунинг учун ҳам улар овқатланиш хизматидан фойдаланишга мажбурдир ва мана шу ҳолатларнинг мавжуд бўлиши туризм умумий овқатланишни уйғун ҳолда ривожлантириши учун имкон беради.
Таянч иборалар
- Овқатлантириш хизматлари
- Овқатланиш турлари
- Овқатланиш корхоналари
- Ресторан
- Официант
- Бар
- Кафе

Назорат ва мулоҳаза саволлари
1. Туризмда овқатлантириш хизматларининг ўрни?
2. Овқатланишнинг турларини айтиб беринг ?
3. Умумий овқатланиш корхоналарини таснифлаб беринг?
4. Қайси умумий овқатланиш корхоналари тоифаларга бўлинади, қайсилари бўлинмайди?
5. Чойхоналардаги хизмат ҳақида гапириб беринг?

1^ Шарипов Т. С. Умумий овқатланиш корхоналари самарадорлигини оширишнинг ташкилий-иқтисодий механизмларини такомиллаштириш (Самарқанд вилояти мисолида) и.ф.н. илмий даражасини олиш учун диссертация. - С.: СамИСИ, 2010.

2¹² Ўзбекистон Республикаси Вазирлар Маҳкамасининг 2003 йил 13 февралдаги 75-сонли қарори билан тасдиқланган «Ўзбекистон Республикасида умумий овқатланиши маҳсулотларини (хизматларини) ишлаб чиқариш ва сотиш қоидалари»