7-mavzu: Buyrak. Ularning yoshga qarab o‘zgarishi. Siydik yo‘li, qovuq, siydik chiqarish kanali, ularning yoshga qarab o‘zgarishi

Qo'l venalari yuza va chuqur venalardan iborat bo'ladi.
Qo'lning yuza venalari — venae superficiales membri superioris
1. v.cephalica — qo'lning lateral teri osti venasi, qo'l panjasining bilak suyagi tarafidan boshlanib, bilakning lateral sohasidan yo'naladi, tirsak sohasida medial teri osti venalari bilan anastomoz vositasida qo'shiladi (v.intermedia cubiti). Bu venaga v.thorocoacromialis ko'krak-akromion venasi quyiladi. Lateral teri osti vena yelka sohasidan o'tib, qo'ltiq venasiga quyiladi.
2. v.basilica — qo'lning medial teri osti venasi. Qo'l panjasining tirsak suyagi sohasidan boshlanib, bilakning oldingi va medial yuzalaridan yo'naladi, tirsak bo'g'imi sohasida lateral teri osti venalari bilan anastomoz tarmoqlar vositasida — v.intermedia cubiti ga qo'shiladi. Medial teri osti venasi yelka venasi — v.brachialis ga quyiladi.
3. v.intermedia cubiti — tirsak bo'g'imi sohasida lateral va medial teri osti venalarini o'zaro qo'shib turadi. Tirsakning oraliq venalari bilakning oldingi yuzasidan venoz qonni v.mediana antebrachii tomirlari vositasida qabul qiladi.
4. Rete venosum dorsale manus — qo'l panjasining orqa yuzasidagi vena to'ri. Bu to'rga — v.v.intercapitulares — boshchalar orasidagi venalar hamda v.v.metacarpales dorsales kaftning orqa yuzasining venalari quyiladi.
5. Arcus venosus palmaris superficialis — kaftning yuza vena ravog'i. Bu venalarga v.v.digitales palmares — barmoqlarning kaft yuzasidagi venalari quyiladi.
Qo'lning chuqur venalari — venae profundae membri superioris
Qo'lning chuqur venalari arteriyalar bilan birga yo'nalib va ular nomi bilan ataladi. Qo'lning chuqur venalari:
1. v.v.brachiales — yelka venasi. Shu nomli arteriya tarmoqlari yonida vena qon tomirlari joylashadi.
2. v.v.ulnares tirsak venasi. Shu nomli arteriya tarmoqlari yonida vena qon tomirlari joylashadi.
3. v.v.radiales — bilak venasi. Shu nomli arteriya tarmoqlari yonida vena qon tomirlari joylashadi.
4. v.v.interosseae — bilakdagi suyaklararo venalar. O'z navbatida bu venaga v.v.interosseae anterior — oldingi suyaklararo venalar va v.interosseae posteriores orqa suyaklararo venalar quyiladi.
5. Arcus venosus palmaris profundus — kaftdagi chuqur vena ravog'i. Bu venalarga — v.v.metacarpales palmares — kaft venalari quyiladi.