7-mavzu: Buyrak. Ularning yoshga qarab o‘zgarishi. Siydik yo‘li, qovuq, siydik chiqarish kanali, ularning yoshga qarab o‘zgarishi

Tashqi bo‘yinturuq venasi — v.jugularis externa
Tashqi bo'yinturuq venasi quloq suprasining orqa sohasidan boshlanadi. O'z yo'lida bu venaga ensa venasi — v.occipitalis va v.auricularis posterior venalari quyiladi. O'mrov usti sohasida tashqi bo'yinturuq vena — v.jugularis anterior bilan qo'shilib, o'mrov osti vena — v.subclavia ga quyiladi. V.jugularis anterior — oldingi bo'yinturuq venasi til osti suyagining ustki sohasidan boshlanadi va to'sh suyagi sohasida o'mrov osti venasi — v.subclavia ga quyiladi. To'sh suyagining ustida ikki tarafdagi oldingi bo'yinturuq venalar o'zaro — arcus venosus jugularis vena yoyi vositasida qo'shilishi mumkin. Vena jugularis externa ga quyidagi venalar quyiladi:
a) v.auricularis posterior — quloq suprasining orqa venasi;
b) v.jugularis anterior — oldingi buyinturuq venasi;
d) v.suprascapularis — kurak usti venasi;
e) v.transversae cervicis — bo'yinning ko'ndalang venasi.
O'mrov osti venasi — v.subclavia
O'mrov osti venasi qo'ltiq osti venasi — v.axillaris ning davomi hisoblanadi. Unga tashqi va oldingi bo'yinturuq venalari ochilib, bo'yinning yuza venasi — v.v.transversa colli hamda ko'krakdan — v.v.pectorales va kurak sohasidan — v.scapularis dorsalis lar qo'yiladi.
Qo'ltiq osti venasi — v.axillaris
Qo'ltiq osti venasi — v.axillaris qo'l va ko'krakning yon yuzasidagi venalarni qabul qiladi. Vena axillaris — qo'ltiq osti venasiga quyiladigan venalar:
1) v.subscapularis — kurak osti venasi;
2) v.circumflexa scapulae — kurakni aylanib o'tuvchi vena. Bu venaga quyidagi venalar ochiladi:
a) v.thoracodorsalis — ko'krak qafasining orqa yuzasidagi venalar;
b) v.circumflexa humeri posterior — yelkani aylanib o'tuvchi orqa vena;
d) v.circumflexa humeri anterior — yelkani aylanib o'tuvchi old vena;
3) v.thoracica lateralis — ko‘krak qafasining yon venasi;
4) v.v.thorocoepigastricae — ko‘krak - qorin usti venalari;
5) v.plexus venosus areolaris — sut bezining so'rg'ich sohasidagi vena chigali.