7-mavzu: Buyrak. Ularning yoshga qarab o‘zgarishi. Siydik yo‘li, qovuq, siydik chiqarish kanali, ularning yoshga qarab o‘zgarishi

a.peronea (fibularis) tarmoqlari;
a) r.perforans — teshib o'tuvchi tarmoq;
b) r.communicans — biriktirib turuvchi shox;
d) r.r.mallealares laterales — lateral to'piq sohasini qon bilan ta’minlaydigan shoxlar; Bu qon tomirdan r.r.calcanei — tovon sohasiga shoxchalar ajraladi. Tovon sohasida boshqa shunday arteriyalar bilan qo'shilib, tovon arteriya to'ri — rete calcaneum hosil bo'ladi.
e) a.nuticia fibulae — kichik boldir suyagini oziqlantiradigan arteriya.
Oyoq panjasining qon bilan ta’minlanishi
Oldingi katta boldir arteriyasi — a.tibialis anterior, oyoq panjasining ustki yuzasida a.dorsalis pedis qon tomiriga davom etadi. Oyoq ust yuzasidagi arteriya — a.dorsalis pedis quyidagi tarmoqlarni chiqaradi:
1. a.a.tarsae lateralis et medialis — oyoq panjasining kaft usti suyaklari sohasini qon bilan ta’minlaydi.
2. a.arcuata — oyoq panjasidagi yoysimon arteriya. Oldingi katta boldir arteriyasidan ajralib, a.tarsae lateralis bilan qo'shiladi. Yoysimon arteriyadan uchta a.a.metatarseae dorsales ajraladi. O'z navbatida bu arteriyalar oyoq panjasining II-V barmoqlari asosida — a.a.digitales dorsales tarmoqlarini chiqarib, II-V barmoqlarni qon bilan ta'minlaydi.
3. a.metatarsea dorsalis prima — oyoq panjasida I kaft suyaklari sohasidagi arteriya I va II barmoqlarni qon bilan ta’minlaydi.
4. a.plantares profundus a.dorsalis pedis ning oxirgi tarmog'i bo'lib, bu arteriya I va II kaft suyaklari orasidagi tirqishda oyoqning kaft yuzasiga o'tadi. U oyoq kaftidagi kaft yoyi — arcus plantaris profundus ning vertikal anastomozini hosil qiladi.
Oyoq panjasining kaft yuzasidagi arteriyalari
Oyoqning kaft yuzasidagi arteriyalar — orqadagi katta boldir arteriyasining tarmoqlaridan hosil bo'ladi. Bu arteriya ichki to'piqni aylanib o'tib, oyoqning kaft yuzasida ichki va lateral kaft arteriya — a.plantaris medialis va a.plantaris lateralis larga bo'linadi. Har ikkala arteriya I kaft suyaklari sohasida qo'shiladi va yoy — arcus plantaris superfacialis hosil bo'ladi. Shu yuzadagi I va II kaft suyaklari orasidagi tirqishdan chiqqan — a.plantaris profundus chuqur kaft arterial yoyi — arcus plantaris profundus ni hosil etishda qatnashadi. Bu yoydan barmoqlar tomoniga to'rtta — a.a.metatarseae plantares chiqadi. Bu arteriyalarning har biri barmoqlar asosiga kelganida ikkitadan — a.digitales plantares tarmog'ini chiqaradi va barmoqlarni qon bilan ta’minlaydi. Oyoq panja sohasi a.plantaris medialis et lateralis lar orasida gorizontal yoy — arcus plantaris superfacialis hosil bo'lsa, oyoq panjasining ustki yuzasidan, oyoq kaftiga tushayotgan a.plantaris profundus ning qo'shilishi natijasida vertikal yoy — arcus plantaris profundus hosil bo'ladi.