7-маъруза Мавзу: Шаҳар кўчалари ва йўлларини қуриш ва ишлатиш асослари

Бундай кўчалар маъмурий, жамоат бинолари билан, йирик савдо ва томоша муассасалари билан, кўргазма павильонлари, театрлар, турли клублар ва музей объектлари билан чегараланади.Аҳоли кўп йиғиладиган катта бинолар атрофида, шаҳар йўловчи транспортлари учун бекатлар қулай жойлаштирилиши лозим. Асосий кўчалар атрофида кириб-чиқиш атрофдаги магистралларга ҳалақит бермайдиган вазиятда енгил автомобиллар учун тухтаб туриш майдонлари ажратилиши лозим.

Савдо кўчалари- катта миқдордаги пиёдалар оқимини савдо муассасаларига келиб-кетиши учун мўлжалланади. Савдо дўконлари учун транспорт хизмати пиёдалар ҳаракатига халақит бермайдиган, бошқа томондан ташкиллаштирилади. Кўпинча савдо кўчалари алоҳида ажратилмасдан, асосий кўчалар таркибига киритилади.

Қирғоқ олди кўчаларини лойиҳалашда аҳолини сув ҳавфзасидан имкони борича кўпроқ манфаатдор бўлиши учун кўчани сув ҳавфзасига яқинроқ олиш кўзда тутилади. Шунинг учун қирғоқ бўйлаб сайр қилиш учун аллея сифатида яшил полосалар ташкил этилиб, уларнинг чегараси бўйлаб қатнов қисми ҳам йўлга қуйилади.

Истироҳат боғи йўллари- ўрмон истироҳат боғларини, шаҳар истироҳат боғларини, дам олиш масканларини транспорт ҳаракати билан бирлаштириш учун мўлжалланади. Бундай йўллар қурилишсиз жойлардан, табиат манзараси бўйлаб ўтказилади ва дам олиш масканларини, санатория, пансионат, меҳмонхоналарни ўзаро боғлаш учун хизмат қилиб, улар учун махсус автомобилларга тўхтаб туриш жойлари ажратилади.

Истироҳат боғлари йўллари йўловчи ташиш транспортлари ва енгил автомобиллар учун, бундан ташқари махсус йўлакларга эга велосипедлар ҳаракати учун хизмат қилади (7.5-расм).Пиёдалар ҳаракати алоҳидаги йўналиш бўйлаб ёки аллеялар бўйича истироҳат йўлларига ёнма-ён лойиҳаланади.

Истироҳат боғлари йўллари йўловчи ташиш транспортлари ва енгил автомобиллар учун, бундан ташқари махсус йўлакларга эга велосипедлар ҳаракати учун хизмат қилади (7.5-расм).Пиёдалар ҳаракати алоҳидаги йўналиш бўйлаб ёки аллеялар бўйича истироҳат йўлларига ёнма-ён лойиҳаланади.