7-маъруза матни Маъруза режаси

7-маъруза матни
Маъруза режаси:
1. Талабалар тадқиқий фаолиятини ташкил этишнинг мақсад ва вазифалари
2. Талабаларнинг тадқиқий ишини ташкил қилишнинг асосий йўналишлари
3. Талабалар тадқиқот мавзусини танлаш ва тадқиқий фаолиятни йўлга қўйиш
Таянч сўз ва иборалар: илмий тадқиқий фаолият, илмий йўналишлар, илмий далил, назария, илмий умумлаштириш, талабалар ўқув тадқиқот иши, талабалар илмий тадқиқот иши, илмий лойиҳа, курс ишлари.
1. Талабалар тадқиқий фаолиятини ташкил этишнинг мақсад ва вазифалари
Талабаларнинг илмий тадқиқот ишининг асосий мақсади талабани илмий тадқиқот ишининг барча босқичлари билан амалий таништиришданиборат бўлиб, бу фаолият юқори малакали мутахассисларни тайёрлашнинг ажралмас таркибий қисмидир. Талабаларнинг тадқиқий фаолиятини ташкил этишнинг асосий вазифаси талабаларни мустақил назарий ва экспериментал фаолият юритиш кўникмаларини ўргатиш, уларни илмий тадқиқотнинг замонавий услублари, эксперимент техникаси билан таништиришдан иборатдир. Ушбу фаолият жараёнида талабалар назарий билимларни амалиётда қўллашни ўрганишлари, илмий адабиёт билан ишлари, реферат тузишлари, айрим назарий масалаларни таҳлил қилишлари ва мустақил тарзда эксперимент ишларини ўтказишлари, лаборатория ишларини бажаришлари, конференцияларда маърузалар билан иштирок этишлари лозим.
Талабаларнинг тадқиқот ишларининг долзарблиги ва илмийлиги ушбу тадқиқотларда профессор ва ўқитувчиларнинг илмий раҳбар сифатидаги кенг иштироки билан белгиланади. Талабалар ишларига раҳбар сифатида профессор, доцент, ўқитувчи, докторант, аспирант, илмий ходимлар жалб этилади. Аниқ ифодаланган вазифалар раҳбарни талаба ишига бўлган доимий қизиқиши талабанинг фаол ва сифатли ишини рағбатлантиради. Талабалар тадқиқий фаолиятини ташкил этиш ва мувофиқлаштириш университет кафедралари, иқтидорли талабалар билан ишлаш бўлимлари, КИХИ институти, талабалар илмий жамияти томонидан амалга оширилади, университет профессор-ўкитувчилари, докторантлар ҳамда соҳа мутахассислари кенг жалб этилади.
Хусусан, иқтидорли талабаларни саралаб олиш “устоз-шогирд” йўналишини йўлга қўйиш талабалар фаолиятида илмий тадқиқот ва ўқув машғулотларининг интеграциясини таъминлаш; талабаларни ижодий, илмий ва педагогик фаолиятга ўқитиш ва тайёрлашнинг яхлитлигини амалга ошириш; талаба ёшларнинг шахсий ижодий қобилиятларини очиб бериш,ривожлантириш ва амалга ошириш учун шарт-шароитларни яратиш;
Талабаларни илмий фаолиятга жалб қилишни кенгайтириш ҳамда иштирокининг натижавийлигини ошириш; илмий ва педагогик фаолиятга бўлган интилиши ва ўз қобилиятларини намоён этган истеъдодли ёшларни танлаш ва уларни келажакда илмий педагогик ва илмий ходим сифатида шакллантириш ва ривожлантириш вазифаларини бажаришга имкон яратади.