7 amaliy mashg’ulot. O‘simliklarni himoya qilish mashinalari va ularni ishga tayyorlash tartibini o‘rganish

7 - amaliy mashg’ulot. O‘simliklarni himoya qilish mashinalari va ularni ishga tayyorlash tartibini o‘rganish
1.Ishning maqsadi: O‘simliklarni himoya qilishusullariva agrotexnik talablar,purkagichning tuzilishi, ishlash jarayoni va uni ishga tayyorlash bo‘yicha ko‘nikmalar berish.
2.Kerakli jihozlar: CHopiq traktori, ventilyatorli purkagich, ko‘rgazmali qurollar, o‘quv filmlari.
3.Ishni bajarish tartibi:
O‘simliklarga kimyoviy ishlov berishla zararkunanda, kasallik va begona o‘tlar bilan zararlangan maydonlarga zaharli ximikatlar kiritiladi.
Kimyoviy ishlov berishda quyidagi: urug‘larni zaharlash (quruq, yarim quruq, ho‘l, mayda tomchilab, issiq ishlov berish usulida); purkash (suyuq aralashma holatida); changlash (kukunsimon holda); aerozollash (tuman ko‘rinishida); fumigatsiyalash (tuproqqa solish); zaharlangan xo‘raklar sochish (kemiruvchi va hashoratlarga) tadbirlarqo‘llaniladi.
O‘simliklarni kimyoviy ximoya kilishda purkagichlar, changlagichlar, aerozolli generatorlar, fumigatorlar hamda ish suyukligini tayyorlash va uni purkagichlarga quyish uskunalaridan foydalaniladi.
Purkagichlar quyidagi belgilariga ko‘ra tasniflanadi: vazifasiga qarab maxsus (bog‘, tokzor, dala ekinlariga ishlov berishda) va universal turlarga bo‘linadi.
Purkagichlar texnologik jarayoniga ko‘ra gidravlik (shtangali) va pnevmatik (ventilyatorli) turlarga bo‘linadi.
Gidravlik purkagichlarda ishchi suyuklik to‘zitgichlar orqali bosim ostida sepiladi. Ventilyatorli purkagichlarda to‘zitilgan ish suyukligi ekinlar yoki daraxtlarga ventilyatorning shamoli yordamida purkaladi.
Purkagichlar o‘simlik zararkunanda va kasalliklariga, begona o‘tlarga karshi kimyoviy kurash, omborlarni dezinfeksiyalash, g‘o‘zalarni defoliatsiya va desikatsiya kilish uchun zaharli dorilar eritmasi, suspenziyasi yoki emulьsiyalarini sepish uchun ishlatiladi.
Agrotexnik talablar: ishchi eritmaning agregat qamrov kengligi bo‘yicha bir tekis taqsimlanishi; g‘o‘za tuplariga purkalayotgan eritma zarrachalarining maydalik darajasi yuqori bo‘lishi; o‘simlik barglari sirtining eritma bilan qoplanish darajasi 1sm² yuzaga to‘g‘ri keladigan tomchilar soni 25 donadan ortiq bo‘lishi; mashina terimi oldidan g‘o‘zani defoliatsiya qilishda uning barglarini to‘kilish darajasi 85-90% kam bo‘lmasligi kerak.