7 amaliy mashg’ulot. O‘simliklarni himoya qilish mashinalari va ularni ishga tayyorlash tartibini o‘rganish

Ventilyatorli purkagichlarni ishga tayyorlash va sozlash. OVX-600 rusumlipurkagichlar texnik jihatidan soz bo‘lgan chopiq traktoriga osilgan holda ishlatiladi.
Bunda shinalardagi havo bosimlari: oldingi g‘ildirakda -1,6 atm. va orqa g‘ildiraklarda-1,1 atm.bo‘lishi, hamma g‘ildiraklarga himoya shitoklari o‘rnatilishi, nasos, reduktor va monometrdagi moy sathi tekshirilishi, barcha birikmalar mahkamlangan bo‘lishi, rezina shlanglardan eritma tomchilamasligi, havo so‘rilmasligi, ventilyator parragini aylantiruvchi va kojuxini tebratuvchi mexanizmlar tekis ishlashi ta’minlanadi..
O‘simliklarga sifatli ishlov berilishi uchun ventilyatordan chiqayotgan havo oqimining yo‘nalishi gorizontga nisbatan shunday og‘ish burchagiga (10-12 ) o‘rnatilishi kerakki, unda aralashma traktorning bo‘ylama o‘qidan hisoblaganda 12...14 qatordagi g‘o‘zalar uchiga yo‘naltirilgan bo‘lishi kerak.

2.27-rasm. Purkagich ventilyatori vertikal o‘qini rostlash: 1-tik ushlagich; 2-ventilyator; 3-soplo; 4-markaziy tortqich; 5-rama; 6-reduktor.

Bu ko‘rsatgich traktor osish mexanizmining markaziy tortqisi 4 (2.27-rasm) yordamida ventilyator 2 o‘qining tik holatidan orqaga (traktor xarakatiga teskari tomonga) qiyalatish orqali bajariladi. SHu bilan birga ventilyatorning pastki qirrasi va er sathi orasidagi masofa 1,2-2,0 metr orasida (ishpaytida o‘simlik balandligiga karab tanlanadi) rostlanadi.

4. Ish bo‘yicha hisobotda: ishning maqsadi, kerakli jihozlar, kimyoviy ishlov berish usullari va agrotexnik talablar, purkagichning tuzilishi, ishlash jarayoni (2.27-rasm) va uni ishga tayyorlash tartiblari ko‘rsatilishi kerak.
Nazorat savollari:

1. 
   G‘o‘zani defoliatsiya qilish ishlarini mohiyatini tushuntiring.
   
2. 
   Purkagich vertikal (tik) o‘qiga nisbatan 10-12 gradus qiya o‘rnatilishini izohlang.
   
3. 
   G‘o‘zani defoliatsiya qilishga qo‘yiladigan agrotexnik talablar nimalardan iborat?
   
4. 
   G‘o‘zani defoliatsiya qilish agregatining tarkibini ayting va uni ishlatish qoidalarini tushuntiring.