67 Sitrus mevalar yetishtirish indd

Ширин апельсин 
– бўйи 5-12 метрга, баъзан 20 метргача 
етадиган дарахт; пакана (карлик) бўйлик гуруҳидаги апель-
синларни бўйи 4-5 метргача бўлади, шох-шаббаси юмалоқ 
ёки пирамидасимон, сербарг шохлари тик ўсади, барглари 
қўлтиғидан кўпинча ҳар хил узунликдаги тиканлари бўлади. 
Ёш новдалари ва барглари оч яшил рангда.
Барглари йирик, қалин, ялтироқ, туксиз, тухумсимон 
шакл да, учи ўткир, асоси юмалоқ, чети текис ёки юқориси 
майда тишчали бўлади.
Гули ўртача йирик, гултожи оқ, барг қўлтиғидан чиқади, 
якка-якка ёки кичик қалқонча шаклида. Чангдони 20-25 та. 
Айрим навлари гулининг чангги бўлмайди. Тугунчаси юм-
шоқ, кейинчалик тушиб кетадиган ингичка устунчаси бор, 
10-13 та уяли.

---

14
100 китоб тўплами
Меваси юмалоқ, ясси ёки овал шаклда, йирик-майда (ҳар 
хил катталикда) бўлади, айрим навлари мевасининг учида 
киндикча шаклидаги ўсиғи бор. Пўсти одатда силлиқ, қалин, 
аччиқ эмас, оч-тўқ сариқ, жуда кўп хушбўй мой безчалари 
бўлиб, улар пўстининг бўртиб чиққан жойлари остида жой-
лашган, этидан ажралиши қийин. Айрим навларида альбедо 
(мезокарпий) жуда қалин бўлади. Меваси 10-13 паллали. Эти 
тиғиз, серсув, баъзан рангли, нордон ширин. Уруғи понаси-
мон – тухумсимон шаклда, ичи оқ, муртаги кўп бўлади. Айрим 
навлари уруғсиз ёки кам уруғли бўлади.
Апельсиннинг 300 га яқин нави бўлиб, улар 3 та асосий 
гуруҳларга бирлаштирилади:
1. Оддий апельсин. Меваси йирик-майда (5Х5 см), эти оч 
сариқ, аччиқ-чучук, кўп уруғли. Серҳосил, камдан-кам ҳолда 
уруғсиз навлари учрайди.
Киндикли (ўсиқчали) апельсин мевасининг йириклиги 
(500-600 граммгача) билан ажралиб туради, одатда, 200-
250 грамм атрофида бўлади. Мевасининг учида сўрғичси-
мон ўсиқ бўлиб, унинг ичида бошланғич мева жойлашади, 
у баъзан пўстидаги кичик тешик (киндик) орқали кўриниб 
туради.
2. “Корольки” апельсинининг меваси етилганда эти ва 
суви тўқ қизил (қирмизи) рангга киради. Меваси ўртача йи-
рик, жуда сифатли, ниҳоятда мазали, ўртача ва кеч муддат-
ларда етилади.
Апельсиннинг юқорида таърифлаб ўтилган навлари би-
лан бир қаторида хилма-хил дурагай формалари: тангори 
(ширин апельсин Х мандарин), цитранж (ширин апельсин
Х трафилиат), климинтин (ширин апельсин Х бигарадия), 
цитранкват (цинтранж Х кумкватнинг мураккаб дурагайи) ва 
бошқалар бор.

---

15
Цитрус мевали ўсимликлар етиштириш
67–
китоб