67 Sitrus mevalar yetishtirish indd

Апельсин
нинг серсув, хушбўй, қимматбаҳо мевалари 
бутун дунёга машҳур. Шунинг учун у бошқа цитрус мевалар 
орасида ҳақли равишда биринчи ўринни эгаллайди. Апель-
син меваси турли катталикда бўлиб, айрим навларида унинг 
диаметри 8 сантиметрга етади, вазни 200-250 г дан ортиқ 
келади. Апельсин мевасининг таркибида 6-10% қанд, 1,0-1,4% 
турли кислоталар, 1% гача пектин моддалари, 60-100 мг%
С витамини, маълум миқдорда А, В
1
, В
2
, РР витаминлар бўла-
ди. Пўсти қалин ва шарбати кислотали бўлганлигидан тар-
кибидаги витаминлар яхши сақланади.
Одатда апельсин янгилигида истеъмол қилинади ёки 
ундан табиий ичимлик (шарбат) таёрланади. Меваларидан 
пектин моддалар, эфир мойлари олинади, мураббо пиши-
рилади, мармелад ва концентратлар тайёрланади.
Мандарин
цитрус мевалари ўсимликлари орасида кўп 
тарқалган. Мевалари дисерт сифатида жуда машҳур бў-
либ, асосан янгилигида истеъмол қилинади. Уларнинг йи-
рик-майдалиги, шакли, рангги ва таъми ҳар хил бўлади. 
Мандарин мевасининг таркибида 7-9% қанд сақлайдиган 
ва кислотаси кам, 0,8-1,0% турли кислоталар, 0,6-0,8% гача 
пектин моддалари, 30-60 мг% С витамини, маълум миқдорда
А, В
1
, В2, РР витаминлар бўлади. 
Апельсин ва мандарин мевалари таркибида лимонни-
кига қараганда витаминлар ва лимон кислоталар миқдо-

---

23
Цитрус мевали ўсимликлар етиштириш
67–
китоб
ри камроқ, қанд анча кўп, кислоталиги паст бўлади; мазаси 
жуда ширин ва хушбўй бўлганлиги учун апельсин ва манда-
рин жуда севиб истеъмол қилинади. Умуман эса мандарин 
таъм сифатларига кўра апельсиндан кейин туради.
Грейпфрут
эти аччиқ-чучуклиги ва тахирроқлиги билан 
бошқа цитрус мевалардан фарқ қилади. Меваси таркибида 
5-10% қанд, 1,0-2,5% органик кислоталар, 35-50 мг% С вита-
мини, маълум миқдорда А ва Е витаминлар бўлади.
Грейпфрут мевалари янгилигида ва шарбат (сок) ҳоли-
да истеъмол қилинади. Организмни мустаҳкамловчи шифо-
бахш дори сифатида ишлатилади, ҳазм қилиш органлари 
ишига ёрдам беради, қон босимини пасайтиради, ортиқча 
семириб кетишга йўл қўймайди. Доим яшил цитрус ўсимлик-
лари иссиқсевар, совуққа чидамсиз, меваларининг етилиши 
учун жуда кўп фойдали ҳарорат йиғиндисини талаб қилади, 
ўсиш даври анча узоқ. Шунинг учун республикамизда цитрус 
ўсимликлари қишки совуқдан ҳимоя қилинган жойларда – 
хандақларда ва иссиқхоналарда экиб ўстириш мумкин; ёзда 
бу иншоотларнинг усти очиб ташланади.

---

24
100 китоб тўплами