6-mavzu. Auditning mohiyati, zarurligiva ahamiyati

Majburiy auditni oʼtkazish muddatlari

Majburiy auditorlik tekshiruvidan oʼtkazilishi lozim boʼlgan xoʼjalik yurituvchi subʼektlar uni hisobot yilining 1 mayiga qadar oʼtkazishlari darkor.
Аuditorlik tekshiruvi oʼtkazilgandan keyin xoʼjalik yurituvchi subʼekt 15 kun ichida soliq organiga belgilangan tartibda tasdiqlangan auditorlik xulosasi nusxasini yuboradi. Buni my.soliq.uz dagi soliq toʼlovchining shaxsiy kabinetida “Аuditorlik xulosalarini joʼnatish” tugmasi yordamida bajarish mumkin.

Jarima stavkalari tabaqalashtirilgan va majburiy tekshiriladigan xo‘jalik yurituvchi subyektning hisobot yili oxirida mahsulotlar (ishlar, xizmatlar)ni sotishdan olingan yalpi tushumi miqdoriga qarab belgilanadigan miqdorlarda undirib olinadi.

Jarima miqdori	Bir yilda mahsulot (ishlar, xizmatlar) sotishdan olingan yalpi tushum miqdori (QQS ham shu jumlaga kiradi)
Bazaviy hisoblash miqdorining 50 baravari	bazaviy hisoblash miqdorining 500 baravarigacha
Bazaviy hisoblash miqdorining 75 baravari	bazaviy hisoblash miqdorining 500 baravaridan 15 ming baravarigacha
Bazaviy hisoblash miqdorining 100 baravari	bazaviy hisoblash miqdorining15 ming baravaridan ortiq

Tashabbus tarzidagi auditorlik tekshiruvi

Tashabbus tarzidagi auditorlik tekshiruvi xo‘jalik yurituvchi subyektning yoki boshqa auditorlik tekshiruvi buyurtmachilarining qaroriga binoan, qonun hujjatlarida nazarda tutilgan tartibda o‘tkazilishi mumkin.
Tashabbus tarzidagi auditorlik tekshiruvining predmeti, muddatlari va boshqa shartlari auditorlik tekshiruvining buyurtmachisi bilan auditorlik tashkiloti o‘rtasida tuziladigan auditorlik tekshiruvini o‘tkazish to‘g‘risidagi shartnomada belgilab qo‘yiladi.
Аuditorlik tekshiruvi oʼtkazadigan subʼektiga koʼra ikki turga boʼlinadi:
Ichki audit
Tashqi audit
Ichki audit
Ichki audit - korxonaning kuzatuv kengashiga boʼysunadigan, ularni doimo axborot bilan taʼminlab turadigan, moliyaviy hisobotlar ustidan doimiy nazorat olib boradigan, korxonaning boshqarishda qabul qilinadigan iqtisodiy qarorlar chiqarishda oʼz hissasini qoʼshadigan faoliyatga aytiladi.