6-боб липидлaр aлмaшинуви

2-жадвал.
Глицерофосфолипид ва сфинголипидлар таснифи

ФОСФОЛИПИДЛАР	СФИНГОЛИПИДЛАР
Сфингомиелинлар*
Глицерофосфолипидлар:	Гликолипидлар:
Фосфатидилхолин	Цереброзидлар
Фосфатидилсерин	Глобозидлар
Фосфатидилэтаноламин	Сульфатидлар
Фосфатидилглицерол	Ганглиозидлар
Фосфатидилинозитолбисфосфат
Фосфатид кислота
Кардиолипин (дифосфатидилглицерол)

* сфингомиелинлар ҳам фосфолипидлар, ҳам сфинголипидларга киритилади



а б
1-расм. Фосфатид кислота (а) ва глицерофосфолипид (б) структураси

Организмда фосфатид кислота эркин ҳолда кам учрайди, лекин учацилглицерол ва глицерофосфолипидлар синтези йўлларида оралиқ модда ҳисобланади. Глицерофосфолипидларда, учацилглицероллар каби, иккинчи ўринда асосан полиен кислоталар бўлади; мембраналар структурасига кирувчи фосфатидилхолин молекуласида кўпинча бу арахидон кислотасидир. Мембрана фосфолипидларидаги ёғ кислоталар одамдаги бошқа липидлардан полиен кислоталарннг кўплиги билан фарқланади (80 – 85 %гача), шу сабабдан мембрана таркибига кирувчи оқсиллар фаолияти учун зарур бўлган гидрофоб қаватнинг суюқлигини таъминлайди.

Плазмалогенлар. Плазмалогенлар — глицеролнинг биринчи ҳолатида, ёғ кислота ўрнига, оддий эфир боғи билан узун алифатик занжирли спирт боғланган фосфолипидлардир.
Плазмалогенлар учун хос белги — алкил гуруҳида биринчи ва иккинчи углерод атомлари ўртасида қўш боғнинг мавжудлигидир. Плаз­малогенлар 3 ҳил бўлади: фосфатидальэтаноламинлар, фосфатидальхолинлар ва фосфатидальсеринлар.

Плазмалогенлар нерв тўқимаси мембранасидаги фосфолипидларнинг 10 %ини ташкил этади; улар айниқса нерв ҳужайралари миелин қобиқларида кўп. Баъзи турдаги плазмалогенлар медиаторлар сифатида кучли биологик таъсирлар чақиради. Масалан, тромбоцит фаолловчи омил (ТФО) тромбоцитлар агре­гациясини стимуллайди. ТФО бошқа плазмалогенлардан алкил радикалда қўш боғнинг йўқлиги ва глицеролнинг иккинчи ҳолатида ёғ кислота ўрнига ацетил гуруҳни бўлиши билан фарқланади.
ТФО фагоцитловчи ҳужайралардан таъсиротга жавобан ажралади ва тромбоцитлар агрегациясини стимуллайди, бу орқали қон ивишида иштирок этади. Шунингдек бу омил яллиғланиш ва аллергик реакцияларнинг баъзи белгиларини ривожланишини ҳам таъминлаб беради.