5A110903- bilimlendiriw mekemelerin basqarıw baǵdarı 1-kurs magistrantı innovacion strategiyalíq menejment páninen «Ózbekstan innovaciya procesin tártipke salıwdıń mámleketlik strategiyası»

1.2. Mámleket innovacion siyasatınıń maqset hám wazıypaları

Mámleket innovacion siyasatı – ilimiy izzertlewler, islenbeler, tájriybekonstruktorlıq isleri yáki pán-texnika jetiskenliklerinen paydalanǵan halda ekenomikalıq aylanbaǵa kiritiletuǵın jańa yáki jetilistirilgen texnologik process, jańa yáki jetilistirilgen ónim jaratıw túsiniletuǵın innovacion iskerlikti rawajlantırıw hám xoshametlewge baǵdarlanǵan social-ekanomikalıq siyasattıń quramlı bólimi.⁷

Mámleket innovacion siyasatı aymaqlıq ónimler básekilesligin asırıw, turaqlı ekanomikalıq ósiwdi támiyinlew, xalıqtıń turmıs sıpatı hám dárejesin asırıw, texnologik hám ekalogik qáwipsizligin támiyinlew ushın innovacion iskerlik ústinliklerin tán alıwdan kelip shıǵıp qáliplestiriledi hám ámelge asırıladı.

Mámleket innovacion siyasatınıń tiykarǵı maqsetleri tómendegilerden ibarat:

• 
  innovacion iskerlik ushın aymaqlıq ónimler básekige shıdamlılıǵınıń ósiwi, pán-texnika jetiskenliklerinen nátiyjeli paydalanıw, social-ekenomikalıq rawajlanıw máselelerin sheshiwdi támiyinleytuǵın ekenomikalıq, huqıqıy hám shólkemlik sharayatlar jaratıw;
  
• 
  pán-texnika potenciyalın rawajlantırıw, onı aqılana jaylastırıw hám nátiyjeli paydalanıw, onıń strukturasın qáliplestiriw;
  
• 
  pán hám texnikanıń mámleket ekanomikası rawajına, eń zárúr social wazıypalardı ámelge asırıwǵa, materiallıq islep shıǵarıw tarawında jetik quramlıq ózgeristi támiyinlewge, onıń nátiyjeliligi hám básekilesliginiń asıwına qosatuǵın úlesin asırıw;
  
• 
  mámlekettiń qorǵanıw qábileti, shaxs, jámiyet hám mámleket qáwipsizligi bekkemlew.
  

Qoyılǵan maqsetlerge erisiw ushın mámleket innovacion siyasatınıń tómendegi wazıypaların orınlaw lazım:

• 
  mámleket joqarı siyasatınıń baslı baǵdarların belgilew hám ámelge asırıw;
  
• 
  ekanomikada aldınǵı quramlıq ózgerislerdi támiyinlew;
  
• 
  innovacion iskerlik infradúzilmesin jaratıw hám rawajlantırıw;
  
• 
  aymaqlıq innovacion ónimlerin xalıqara bazarda qollap-quwatlaw hám sırtqı ekanomikalıq iskerlikti rawajlantırıw boyınsha is-ilajlardı ámelge asırıw;
  
• 
  innovacion iskerlikti rawajlantırıwda pán, tálim, islep shıǵarıw hám qarjı-kredit tarawınıń óz-ara baylanısın támiyinlew;
  

• 
  xalıq xojalıǵınıń rawajlanıw tezligi, proporsiyası hám strategiyasın, onıń quramlıq teńsalmaqlılıǵın belgilep beretuǵın tiykarǵI baǵdarlarda ekanomikanıń rawajlanıwın turaqlastırıw ushın ilimiy-texnik potenciyalınan nátiyjeli paydalanıwdı mámiyinlew.
  

Innovacion siyasattıń negizleri mámlekettegi real, social-ekanomikalıq hám siyasıy jaǵdayǵa mas keletuǵın ekanomikalıq nızamlar toplamın qabıl qılıw jolı menen tiykar salınadı. Ózbekstan Respublikasında bir qansha innovaciyalar hám ilimiy-texnik iskerliktiń tártipke salıwshısı normalıq-huqıqıy hújjetler islep shıǵarılǵan.