5A110903- bilimlendiriw mekemelerin basqarıw baǵdarı 1-kurs magistrantı innovacion strategiyalíq menejment páninen «Ózbekstan innovaciya procesin tártipke salıwdıń mámleketlik strategiyası»

Juwmaq…………………………………………………………………………...28

Paydalanılǵan ádebiyatlar dizimi………………………………………………..29

Kirisiw

Temanıń aktuallıǵı. Házirgi kúnde jámiyet turmısında innovacion tarawdıń jedellik penen rawajlanıwı, ekonomikada intellektual ónim, xabar hám ilimiy-texnik hámde innovacion iskerlik úlesiniń ósiwine alıp keledi. Ilim-pán hám texnika jetiskenliklerin keń qollaǵan halda ekonomika tarmaqlarına, social hám basqa tarawlarǵa zamanagóy innovacion texnologiyalardı en jaydırıw Ózbekstan Respublikası jedel rawajlanıwınıń zárúr shárti esaplanadı.

Jámiyet hám mámleket turmısınıń barlıq tarawları jedellik penen rawajlanıp atırǵanlıǵı reformalardı mámleketimizdiń jáhán civilizatsiyası jetekshileri qatarına kiriw jolında tez hám sıpatlı ilgerilewdi táminleytuǵın zamanagóy innovacion ideyalar, islenbeler hám texnologiyalarǵa tiykarlanǵan halda ámelge asıwdı kórsetedi.

Sol menen birge, ótkerilgen analiz islep shıǵarıwdı modernizaciya, diversifikaciya qılıw, onıń kólemin asırıw hámde ishki hám sırtqı bazarlarda ónim túrlerin keńeytiriw boyınsha jumıslar lazım dárejede alıp barılmayatırǵanlıǵın kórsetti.

Tiykarınan, bul boyınsha kóplep kórsetkishlerdiń bar emesligi hám jumıslar nátiyjeli muwapıqlastırılmaǵanlıǵı sebepli mámleketimiz sońǵı jıllarda ataqlı hám abroylı xalıqara dúzilmeler tárepinen dúziletuǵın Global innovacion indeks reytinginde qatnaspay atır¹.

Ekanomika hám social taraw tarmaqlarınıń ilimiy mekemeler menen óz-ara sheriklik dárejesi tómenligi, ministrlik hám mekemeler, sonıń menen birge, aymaqlıq mámleket hákimiyatı organlarınıń innovacion rawajlanıw tarawındaǵı iskerligi lazım dárejede muwapıqlastırılmayatırılǵanlıǵı bul boyınshadaǵı birinshi náwbettegi maqsetler hám wazıypalarǵa erisiw imkanın bermey atır.

Házirgi waqıtta mámleketimiz basıp ótken rawajlanıw jolınıń tereń analizi, búgingi kúnde jáhán bazarı konyunkturası keskin ózgerip, globallasıw shárayatında báseki jánede kúsheyip baratırǵanı mámleketimizdi jánede turaqlı hám jedel tezlik penen rawajlantırıw ushın ulıwma basqasha jandasıw hámde prinsiplerdi islep shıǵıw hám júzege shıǵarıw kerekligin kórsetpekte.

Prezidentimiz SH.M.Mirziyoev Ózbekstannıń jańa parlamentine jollaǵan múrájatnamasında: “Ózbekstandı jedel reformalar, ilim-márifat hám innovaciya menen rawajlanǵan mámleketke aylantıra alamız”, Ózbekstandı rawajlanǵan mámleketke aylantırıwdı maqset qılıp qoyar ekenbiz, biz buǵan tek jedel reformalar, ilim-máǵrifat hám innovaciya menen erise alamız dep aytqan edi.

Dúnya biliminiń zamanagóy jetiskenlikleri, innovacion idealar, islenbeler hám texnologiyalar tiykarında mámleketti jedel rawajlantırıw boyınsha 2017 — 2021-jıllarda Ózbekstan Respublikasın rawajlantırıwdıń bes baslı baǵdarı boyınsha Háreketler strategiyası hám sol tiykarda 2019-2021-jıllarda Ózbekstan Respublikasın innovacion rawajlantırıw strategiyası haqqında pármanı qabıllandı. Bul strategiyanıń tiykarǵı maqseti mámlekettiń xalıqara maydandaǵı básekilesliligi dárejesin hám innovacion tárepten rawajlanǵanlıǵın belgilewshi tiykarǵı faktor insan kapitalın rawajlantırıw. Ózbekstan Respublikasın innovacion rawajlantırıw strategiyasın ámelge asırıwda tálim sistemasınıńda ornı grewli. Bul boyınsha Prezidentimiz SH.M.Mirziyoev 2016-jıldıń 23- noyabr kúni Tashkent qalası saylawshıları menen bolıp ótken ushrasıwda «Tálim-tárbiya usılların qayta kórip shıģıwımız zárúr. Perzentlerimizde quramalı jaģdaylarda durıs sheshim, qararlar qabıl qıla alıw kónlikpelerin qáliplestiriwimiz kerek»², dep aytqan edi.

Ózbekstan Respublikası Ministrler Keńesiniń 2017-jıl 6-apreldegi «Ulıwma orta hám orta arnawlı, kásip-óner bilimlendiriwdiń mámleketlik tálim standartların tastıyıqlaw tuwrısında»ǵı 187-san qararı menen tastıyıqlanģan Ulıwma orta bilimlendiriwdiń mámleketlik tálim standartınıń maqseti - ulıwma orta bilimlendiriw dizimin mámlekette ámelge asırılıp atırǵan social-ekonomikalıq reformalar, rawajlanģan shet el mámleketleriniń aldınģı tájriybeleri hámde ilim-pán hám zamanagóy axbarot- kommunikaciya texnologiyalarına tiykarlanǵan halda shólkemlestiriw, mánawiy bárkamal hám intellektual rawajlanǵan shaxstı tarbiyalawdan ibarat.³