5-Mavzu. Nozogeografik tadqiqotlarda demografik bilimlarning qo’llanilishi

Yashab bo’lish (o’lish) jadvali — avlodning o’lib borishiga oid bo’lib, bir-biriga bog’langan, odam yoshining funksiyalari deb qaraladigan ko’rsatkichlar sistemasidir. Gipotetik avlodga tegishli joriy jadval 100 ming chaqaloqdan iborat kogortda mazkur vaqtdagi yoshga aloqador o’lim darajasi ularning butun umr bo’yi saqlanib qolganida mavjud bo’la oladigan o’lib borish tartibini aks ettiradi. Kutiladigan (o’rtacha) umrni taxlil qilish aholining yosh strukturasi xususiyatlaridan qat‘iy nazar o’lim darajasiga umumlashtiruvchi baho beradi. Tug’ilgan mahalda kutiladigan (o’rtacha) umr — avlod o’lib borish jarayonining eng umumlashtirilgan xarakteristikasidir.

Tug’ilgan mahalda kutiladigan umr -mazkur yilda tug’ilgan avlodning yoshga aloqador o’lim ko’rsatkichlari shu avlod kishilarining umr bo’yi hozirgi darajasida turaveradigan bo’lsa, o’sha avlodning yashab o’tishi kerak bo’lgan yillar soni. Kutiladigan umr aholi salomatligi holatining muhim ko’rsatkichidir. Turli yoshdagi o’limning ko’pgina omillari unda o’z aksini topadi.. U muayyan yoshdagi kishilar umridan qolgan o’rtacha vaqtni aks ettiradi. Kutiladigan umr u yoki bu mintaqa aholisi salomatligining holati va turmushi darajasining mezoni tariqasida JSST tomonidan taklif etilgan juda muhim integral ko’rsatkichdir.

E’tiboringiz uchun rahmat!!!