5-мавзу: Баскетбол ўйин қоидаларини ўргатиш режа: Ўйин техникаси асослари ва таснифи

 
Ҳужум тактикаси 
Тўпни эгаллаган жамоа ҳужум қилувчи жамоа бўлиб ҳисобланади. Ҳужум қилиш 
жамоанинг ўйиндаги асосий вазифасидир. Ҳужум ҳаракатлари ёрдамида жамоа 
ташаббускорликни қўлга киритади ва рақибни ўзига бўлган тактик режа қабул қиишга 
мажбур қилади. Ҳужум қилувчи жамоанинг бош мақсади рақиб саватига тўп ташлашдир. 
30 сония ичида бунга эришиш учун уюштирилган илгаридан ўйлаб қўйилган ва тўпни рақиб 
шчитига яқинлаштиришга мўлжалланган яхши тайёрланган йўллардан, ҳужумни бевосита 
ўтказиш ва шчитдан қайтган тўп учун кураш имкониятини таминлаш учун, шу якунловчи 

---

кураш учун қулай шароитлар тузишдан фойдаланиш керак. Ҳужум тактикаси, жамоани 
аниқ рақибга қарши ва мусобақанинг ҳар хил вазиятларида мунтазам ҳужум олиб 
боришнинг мақсадга мувофиқроқ тадбир, усул ва формаларини танлаб олиш ва улардан 
фойдаланишга имкон беради. Ҳужум қилишнинг ҳамма ҳаракатлари ўзининг характерига 
қараб якка (индивидуал) ва жамоали ҳужумга бўлинади. Тактика таснифига мувофиқ 
ҳаракатлар гуруҳли ва жамоалига бўлинади. 
 
Якка (индивидуал) ҳаракатлар 
Ҳар бир баскетболчи жамоада бажарадиган вазифасидан қатъий назар, ҳужумда 
катта фаоллик кўрсатиши лозим. Бунинг учун у ҳужум усулларини пухта ва малакали 
эгаллаган бўлиши, ўйин шароитини диққат билан кузатиши, аниқ вазиятга энг мос позисия 
ва ҳаракатларни тез хамда тўғри танлай олиши керак.  
Жой танлаш ва ҳимоячи тақибидан қутилиш. Тўпсиз ҳужум қилаётган 
баскетболчи тўпни қабул қилиш, тўпли шеригига ҳимоячини тақибидан озод бўлишида 
ёрдам бериши учун майдонда маълум позисияни танлайди. Жой танлаш тўҳташлар, 
бурилишлар билан бирга йўналиш малакаларини тезлик билан ўзгартириб майдонда 
ҳаракат қилиш билан бажарилади. Саватга тушмай ўтаётган тўпни илиш учун жойни тўғри 
танлаш катта аҳамиятга эга.