5-мавзу: Баскетбол ўйин қоидаларини ўргатиш режа: Ўйин техникаси асослари ва таснифи

Сакраб саватга отиш пайтида тўпни қайтариш. Сакраб саватга тўп отишга 
самарали қарши ҳаракат энг қийин вазифа ҳисобланиб, ҳимоячидан бутун кучни сафарбар 
қилишини, маҳоратини ва эътиборини талаб қилади. Тўп бармоқ учларидан чиққанда ва 
ҳужумчи томонидан назорат қилинмаётган пайт, тўпни ҳалқа томон учиш йўналишидан 
қайтариш учун энг яхши пайт ҳисобланади. 

---

 
Ўзининг шчити олдида (ёки остида) сапчиган тўп учун курашда тўпни эгаллаш. 
Ҳужумчи саватга тўп отганидан кейин ҳимоячи шчит томонга рақиб ўтиши мумкин бўлган 
йўлни тўсиши, мустаҳкам ҳолатни эгаллаши, сўнг эса сапчиган тўпни тез ва ўз вақтида 
эгаллаш учун сакраб, курашиш керак. Сакраш озгина югуришдан кейин ёки жойида туриб, 
икки оёқ билан бўлганидек, бир оёқ билан депсиниб бажарилади. Баланд сакраб ва тўпни 
эгаллаб, ўйинчи ерга тушаётганда, тўп ёки шчитга тааллуқли бўлган қулай ҳолатни 
рақибнинг эгаллашига ҳалақит бериш учун кучли курашда оёқларни кенг қўяди ва 
гавдасини букади. 
Финтлар ва усулларнинг бирга қўшилиши. Баскетболнинг ҳозирги замон 
техникаси анализи, одатда, баъзи усулларни ўрганишга асосланади. Бироқ мусобақалар 
амалиётида ҳамма бу усуллардан алоҳида кўринишда деярли кам фойдаланилади. Аниқ бир 
ўйин ҳолатида қийин тактик вазифани муваффақиятли бажариш учун кўпроқ улардан бир 
усулнинг иккинчи усул билан ёки финт билан бирин-кетин қойилиши комплекци 
қўлланилади. 
Кескин югуриш финти – кескин югуриш. Ўйинчи чап оёғини олдинга-чапга 
чиқариб қўяди, гавдасини чапга бир оз эгади ва ҳимоячига уни чап томонга айланиб ўтишга 
тайёрланаётганини кўрсатган ҳолда худди ўша томонга қарашини (нигоҳини) ўтказади. 
Агар ҳимоячи финтга жавоб қайтарса, у ҳолда гавдани эгиш билан ҳимоячи ёнидан ўнг оёғи 
билан шиддатли қадам қойиш керак. 
Ўтиш учун финти – ўтиш. Ўтишга имитатсия қилиб ўйинчи олдинга – чапга қадам 
қўяди, худди ўша йўналишида қўллар тўп билан бурилади. Ҳимоячи финтга жавоб 
қайтарганда, ўйинчи дарҳол зарб билан тепиниб итарилади (туртилади) ва чап оёғи қадами 
билан ҳимоячи ёнидан тўп билан ўнг томонга ўтиб кетади.