5-Ma’ruza. Mavzu: Jismoniy tarbiya darslarida o‘quvchilar faoliyatini tashkil etish shakllari Reja

Jismoniy tarbiya darslarida 
o'quvchilar faoliyatini tashkil etish 
shakllari
1
. Frontal.
1
2. Guruhli
3. Individual
4. Aylanma mashg'ulot 
5. Oqim

---

Darsda o‘quvchilar faoliyatini tashkil qilish usullari
deganda o‘qituvchi 
rejasiga muvofiq o‘quvchi mashqlarni bajarish uchun uyushtirish usullari 
tushuniladi. 
Frontal (yoppasiga) shug‘ullanish usuli 
- mashqlarni barcha o‘quvchilar 
bir vaqtda bajaradilar. Uning ustunligi ko‘proq o‘quvchi qamrab olishda, darsda 
yuqori zichlikka va katta jismoniy og‘irlikka erishilishidadir, o‘quvchilar 
o‘qituvchi farmoyishi yoki jamosini baravariga bajarsalar, yoppasiga shug‘ullanish 
usuli mashqlarni jamoa xolda bajarishning yaxshi namunasi bo‘la oladi.
Mazkur usul o‘quv muassasalarining barcha bosqich o‘quvchilari bilan olib 
boriladigan ishlarda, ayniqsa, o‘quv materiali bilan tanishtirishda keng qo‘llaniladi.
Guruhli usul
shundan iboratki, unda o‘quvchilar guruhlarga bo‘linadilar, 
har bir guruh o‘qituvchi topshirigiga binoan mustaqil shug‘ullanadi. Mashq uchun 
jixoz va inventar etishmaganda shu usulga murojaat qilinadi. Vaqtdan oqilona 
foydalanish maqsadida bir vaqtda ikkita-uchta mashq turi o‘rganiladi. Guruhlar 
ma’lum bir vaqtdan so‘ng joy almashadilar. Har bir guruhga o‘quvching 
mashg‘ulot paytidagi harakatini kuzatib turish uchun boshliq tayinlanadi. 
Guruhlarga bo‘linish ikkitagacha, uchtagacha sanash yoki bir qator 
kolonnadan ikki, uch kator kolonnaga qayta saflanish va har bir qatorni tegishli 
joyga burib olib borish orqali amalga oshiriladi. 
Darsda guruhlar bir-biriga xalakit bermaydigan tarzda joylashadi. 
Guruhli usul barcha o‘quvchilar mustakil mashg‘ulotlarga yetarli darajada 
tayyor bo‘lganlaridan so‘ng qo‘llanilishi mumkin. 
Individual usul
shundan iboratki, bunda har bir o‘quvchi mashq bajaradi, 
qolganlar esa uni kuzatib turishadi. Bunday usul yakunlovchi darslarda 
qo‘llaniladi. Bu o‘qituvchiga har bir mashq bajarilgandan so‘ng yakun chikarishga, 
bolalar e’tiborini mashqni yaxshiroq bajarishga, kamchilik va xatolarga qaratishga 
imkon beradiki, bu ta’lim va tarbiya jixatdan juda muxim.