5-Ma’ruza. Mavzu: Jismoniy tarbiya darslarida o‘quvchilar faoliyatini tashkil etish shakllari Reja

---

5-Ma’ruza.
Mavzu: Jismoniy tarbiya darslarida o‘quvchilar faoliyatini
tashkil etish shakllari 
Reja: 
1.
Mashg‘ulotlarni tashkil etish xususiyatlari. 
2.
Frontal usuliga tavsif. 
3.
Guruh usuliga tavsif. 
4.
Individual usuliga tavsif. 
5.
Aylanib yurib shug‘ullanish usuliga tavsif. 
6.
Oqim usuliga tavsif. 
Kalit so‘zlar: 
jismoniy tarbiya darslarida oʻquvchilar faoliyatini tashkil etish 
va boshqarish, yuklamalarni me’yorlash qoidalari; oʻquv yilida jismoniy tarbiya 
mashgʻulotlarini rejalashtirishni oʻrgatish; jismoniy tarbiya mashgʻulotlarini 
tashkil etish usullari
 
 
Mashg‘ulotlarni tashkil etish xususiyatlarini ochib berish. 
Sog‘lom bolani rivojlantirish borasida olib borilayotgan ilmiy tadqiqotlar 
shuni kursatadiki, bola organizmining shakllanishida jismoniy tarbiya va sportning 
ta’siri bekiyos hisoblanadi. Inson organizmi muntazam ravishda harakatlarga 
biologik extiyojni sezadi. Bu harakatlar jismoniy kamolotga erishishda va 
intellektual rivojlanishda faol biologik stimul vazifasini bajaradi.
Organizmning intensiv o‘sish va rivojlanish davri bolalik va o‘smirlik 
vaqtiga to‘g‘ri keladi. Bugungi kunda respublikamizning sog‘lom va garmonik 
rivojlangan fuqarolarni shakllantirishni, jismoniy tarbiya va sportsiz tasavvur etib 
bo‘lmaydi. To‘g‘ri tashkil etilgan jismoniy tarbiya va sport mashg‘ulotlarining 
bolalar sog‘lig‘i va tashki muxitning noqulay ta’sirlariga qarshi turish qobiliyatiga 
muxim ta’sir ko‘rsatish to‘g‘risida ilmiy asoslangan tadqiqotlar mavjud. 

---

Jismoniy tarbiya va sport bilan shug‘ullanish bolalar va o‘smirlarda 
optimizm, ruxiy va ma’naviy tetiklikni shakllantiradi, vatanparvarlik va vatanni 
sevish xis-tuyg‘ularini shakllantiradi. 
Sportni bolalarning kundalik extiyojiga aylantirish va ularni sport turlariga 
jalb etish maqsadida joylarda juda ko‘p ommaviy musobaqalar o‘tkazilmoqda. 
Bolalar sportini zamon talablari asosida rivojlantirishga xizmat qiladigan, 
mamlakatimizda joriy etilgan uch bosqichdan iborat musobaqalarni yaxlit milliy 
tizimi yoshlarni uzluksiz sportga jalb qiladigan asosiy mexanizm bo‘ldi. 
Ushbu tizim: 
- viloyat xokimliklari, tegishli vazirliklar va sport tashkilotlari o‘quvchi-
yoshlarini sportga keng jalb qilish borasidagi harakatlarini birlashtirdi; 
- qishloq joylarida tarqoq, o‘zaro bog‘lik bo‘lmagan va aniq maqsadga 
qaratilmagan musobaqalarni tartibga keltirdi. 
Mazkur tizim musobaqalarini yanada takomillashtirish maqsadida 
O‘zbekiston Respublikasi Vazirlar Maxkamasining 2003 yil 3 iyunda “O‘quvchi 
va talaba-yoshlarni sportga jalb qilishga qaratilgan uzluksiz sport musobaqalari 
tizimini tashkil etish to‘g‘risida”gi 244-sonli qaroriga binoan “Umid nihollari”, 
“Barkamol avlod” va “Universiada” sport musobaqalarining respublika finalini uch 
yilda bir marotaba o‘tkazilishi belgilandi. 
Bugungi kunda respublikamizning barcha shahar va olis qishloqlarida ham
sport zallari, maydonchalari, klublari, salomatlik markazlari yangitdan qurilib, 
eskilari esa ta’mirlanib foydalanishga topshirilmoqda. Bu yerlarda o‘quvchi 
yoshlar uzlarining yoqtirgan sport turlari bilan shug‘ullanishmoqda.