5 маъруза. Кимё ва озиқ-овқат саноати корхонасининг меҳнат ресурслари

5 маъруза.
Кимё ва озиқ-овқат саноати корхонасининг меҳнат ресурслари.

Режа.
1. Корхона кадрлари потенциали ва унинг бозор муносабатлари шароитидаги роли.

2. Меҳнат ресурсларининг сифат ва миқдорий тавсифи.
3. Кадрлар структураси.
4. Кадрлар бошқаруви ва ишчи кучини режалаштириш.
1. Корхона кадрлари потенциали ва унинг бозор муносабатлари шароитидаги роли.
Меҳнат ресурслари 16 ёшдан ошган, доимий ишлайдиган ёки иш қидираётган фуқароларни ўз ичига олади.
Корхона меҳнат ресурслари ёки кадрлари ушбу корхонада фаолият кўрсатувчи барча касбий-малакавий гуруҳ ходимларидир, корхона фаолияти натижалари ва унинг рақобатбардошлиги кўп жиҳатдан улардан оқилона ва самарали фойдаланишга боғлиқ. Бозор муносабатлари шароитида кадрлар потенциалининг аҳамияти шундан иборатки, у инсон омили сифатида ишлаб чиқаришда бошқа қолган ресурсларни бир-бирига боғлайди, қарорлар қабул қилади ва таваккалчилик қобилиятларига эга, молия ва моддий омиллар ҳолатини белгилаб, натижада корхонанинг бозордаги мавқеини, унинг рақобат устунлиги ва тижорий ютуғини таъминлайди.
Меҳнат муносабатлари корхона фаолиятида муҳим ва мураккаб ҳисобланади. Қанчалик техника даражаси юқори ва такомиллашган бўлмасин, корхона самарадорлигининг ўсишида ҳал қилувчи куч – бу муносиб инсоний ресурслар яъни кадрлардир.
Ўта мураккаб техник ва ишлаб чиқариш муаммоларини ечишда кўпчиликни бир-бири билан бўлган ҳаракатини таъминлаш ҳар бир ходимнинг умумий натижага рағбатлантириш ва ишга онгли ёндашувисиз мумкин эмас. Айнан инсоний капитал рақобатбардошлик, иқтисодий ўсиш ва самарадорлик гаровидир.
Корхона самарадорлигини ўсишида инсоний фактор таъсирининг асосий жиҳатлари қуйидагилардир:

• 
  кадрларни танлаш ва кўтариш;
  
• 
  кадрларни тайёрлаш ва уларни узлуксиз ўқитиш;
  
• 
  ходимлар меҳнатини моддий ва маънавий баҳолашни такомиллаштириш.
  

Ходимларни танлаш ва кўтарилишида иккита омил мавжуд:

• 
  юқори малака ва ўқишга бўлган қобилият;
  
• 
  ҳамкорликка мойиллик ва муомала тажрибаси.
  

Кадрларни ўқитиш, доимий такомиллаштириш, ишчи кучидан оқилона фойдаланиш имконияти, унумсиз сарфларни камайтириш учун замин яратади.