4-modul. Innovatsion izlanishlarda-ilmiy tadqiqot va tajrnba konstruktorlik ishlarini (ittki), tashkil yetish

Xizmatlar sohasida faoliyat yurituvchi tashkilotlar uchun xususiyatlari, foydalanish usullari prinsipial jihatdan yangi yoki texnologik jihatdan takomillashtirilgan (sifatli) xizmatlar - texnologik innovatsiyalar hisoblanadi. Xizmatlar ishlab chiqarish va yetkazib berishning sezilarli darajada takomillashtirilgan usullaridan foydalanish ham texnologik innovatsiyalar hisoblanadi. Bu mavjud ishlab chiqarish usullaridan foydalangan holda yoki mavjud xizmatlarni ishlab chiqarish yoki yetkazib berishning samaradorligini oshirgan holda, ishlab chiqarila yoki yetkazib berila olinmaydigan yangi yoki sezilarli darajada takomillashtirilgan xizmatlarni ishlab chiqarish yoki yetkazib berish bilan bog‘liq bo‘lgan asbob-uskunalardagi yoki ishlab chiqarishni tashkil qilishidagi o‘zgarishlarni qamrab olishi mumkin.
Yangi yoki sezilarli darajada takomillashtirilgan xizmatlarni, uni ishlab chiqarish (etkazib berish) usullarini prinsipial jihatdan yangi texnologiyalarga yoki mavjud texnologiyalarning yangi kombinatsiyalariga, shuningdek yangi bilimlarga asosan joriy etish mumkin.
Xizmatlar sohasidagi mahsulotlar bo‘yicha innovatsiyalar o‘z ichiga quyidagilarni oladi: prinsipial jihatdan yangi xizmatlarni ishlab chiqish va joriy etish; mavjud xizmatlarga yangi funksiyalar va xususiyatlar qo‘shish orqali uni takomillashtirish; xizmatlar bilan ta’minlashda (masalan, ularning samaradorligi va tezligi nuqtai nazaridan) sezilarli darajada yaxshilanishlar.
Xizmatlar sohasidagi jarayonlar bo‘yicha innovatsiyalar xizmatlarni ishlab chiqarish va taqdim etishning yangi yoki sezilarli darajada takomillashtirilgan usullarini ishlab chiqish va joriy etishni o‘z ichiga oladi.
Quyidagi o‘zgartirishlar, agar ular yangi yoki sezilarli yaxshilangan xizmatlarni, ularni ishlab chiqarish va yetkazib berish usullarini joriy etishga bevosita bog‘liq bo‘lmasa, texnologik innovatsiyalar hisoblanmaydi:
- tashkiliy va boshqarish bo‘yicha o‘zgartirishlar (jumladan: boshqarishning ilg‘or usullariga o‘tish, jiddiy o‘zgartirilgan tashkiliy tuzilishni joriy etish, tashkilotning iqtisodiy strategiyasida yangi yoki sezilarli o‘zgartirilgan yo‘nalishlarni amalga shirish);
- sifat standartlarini joriy etish.