4-мавзу. Узумни узиш, шароб пунктларига келтириш ва қайта ишлаш

3. Узумни қайта ишлашга қабул қилиш. Шаробчилик икки боскичли жараёндан иборат.
1-боскич-узумни қайта ишлаб шаробматериал тайёрлаш;
2-боскич-шаробматериал қўшича равишда ишланиб шароб маҳсулотлари тайёрланади.
Узумни қайтадан ишлаб шаробматериал тайёрлаш корхоналари шароб пунктлари деб номланади. Улар асосан узум етиштириладиган жойларда кўрилади. Шаробматериални тайёр маҳсулот холатига келтириш, кадоклаш ва истеъмолчиларга чиқариш корхоналари шароб заводлари дейилади. Улар истеъмолчиларга якин бўлган ахоли турадиган жойларда кўрилади.
Шаробчиликнинг биринчи боскичи кетма-кет бажариладиган куйидаги технологик жараёнлардан иборат-узумни узиш, корхоналарга ташиш. қайта ишлаш, шаробматериал тайёрлаш, уни чўкмадан ажратиш ва фильтрлаш.
Узумни қайта ишлашга у партиялар холатида қабул килинади. Узумнинг партияси деб битта транспорт воситасида ва битта хужжат билан қабул килинган узум миқдори номланади. Узумни қабул қилиш тартиби ва унинг сифатига куйиладиган талаблар Ўзбекистон Республикасида қабул килинган стандартлар асосида амалга оширилади. (Гост 25896-83 ОСТ 10-66-87).
Узумни ташишда уни чанг, ёмгир ва куёш таъсиридан химоя қилиш керак. Узум ташийдиган транспорт воситаларининг узумни жойлаштириладиган мосламалари хар куни совук ва иссик суви билан ювилиши зарур. Жуда ифлосланган холатларда бу максад учун ишкор эритмасидан фойдаланилади. Узум узилгандан сўнг у 4 соат оралигида қайта ишлашга олиб келиниши зарур. қайта ишлашга олиб келинган узумнинг хар бир партиясининг миқдори ва сифати аникланади.
Кўрилишга олиб келинган узумнинг миқдори махсус автомобил тарозиларда ўлчанади. Ўлчашдан олдин узумнинг сифат кўрсаткичлари, нави, бегона узум навлари, шикастланганлиги ва чириган доналарнинг борлиги аникланади.
Узумнинг миқдори ўлчангандан сўнг хар бир транспорт машинасидан 3 кг намуна олиниб, узумнинг таркибидаги шакар ва кислота миқдори аникланади. Улчаш натижаларига кўра қабул килинган узум шаробматериал тайёрлашга юборилади. Узум транспорт машинасидан электротельфер ёрдамида қабул қилиш бункерига (сиғимга) бушатилади. қабул қилиш бункери металл ёки темир-бетондан тайёрланади. қабул қилиш бунерида жойлашган шнекли транспортёр ёрдамида узум майдаланиш учун узатилади.