4-mavzu. Internet tarmogʻi va uning tashkil etilishi Reja: Kompyuter tarmoqlari va ularning turlari Internet va intranet

4. Internet tarmogʻiga bogʻlanish: 
Internetga ulanishning eng keng tarqalgan usullari quyidagilardir: 

---

1. Modem orqali (kommutatsiya qilinadigan, Dial-up, ADSL). 
2. Ajratilgan tarmoq orqali (optik tolali yoki boshqa). 
3. GPRS orqali (uyali telefonlarga). 
4. Radio toʻlqin orqali. 
5. Sun’iy yoʻldosh orqali. 
Ularning asosiy farqlari: 
– ishlash printspi; 
– ma’lumotlarni uzatish tezligi; 
– ishonchliligi; 
– qurilmalarni sozlash murakkabligi; 
– narxi. 
Modem orqali
(Dial-up) bogʻlanish usulida provayderning “modem pul”iga qoʻngʻiroq 
qilinadi. Agar u yerda tarmoq band boʻlmasa login va parol soʻraladigan darcha ochiladi. Login va 
parolni kiritilgach uni provayder serveri tekshiradi va xammasi joyida boʻlsa boʻsh IP adres ajratadi. 
Shundan soʻng interntda ishlashingiz mumkin. Uning yaxshi tomoni qoʻshimcha qurilmalar talab 
qilinmaydi va narxi boshqa ulanishlardagiga nisbatan arzon. Ammo ma’lumot almashish tezligi 
juda sekin, taxminan 3-4 Kb/sek. Shuning uchun katta oʻlchamli fayllarni yozib olishga koʻp vaqt 
ketadi. Seans paytida telefondan foydalanib boʻlmaydi. 
ADSL
qurilmasi orqali telefon tarmogʻi yordamida provayderga ulanilsa unda ma’lumot 
almashish tezligi 8 Mb/sek gacha oshishi va telefondan ham bemalol foydalanish mumkin. Ammo 
bu xolda provayder sizning telefoningiz ulangan stantsiyangizga ham maxsus qurilma oʻrnatishiga 
toʻgʻri keladi. Bunday ulanish usulida oʻz-oʻzidan xarajatlar oshib ketadi. Chunki ADSL qurilmasi 
sotib olinishi kerak va hizmat uchun provayderga toʻlanadigan toʻlov miqdori yuqoridir.