4-mavzu. Internet tarmogʻi va uning tashkil etilishi Reja: Kompyuter tarmoqlari va ularning turlari Internet va intranet

2. Internet va intranet: 
Global tarmoq — dunyoning ixtiyoriy davlatidagi kompyuterlarni oʻzida birlashtirish 
imkoniga ega boʻlgan tarmoq. Bu tarmoq internet (Internet) deb ham yuritiladi.
Internet bilan birga intranet tushunchasi ham ishlatiladi. Intranet — bu internet 
texnologiyasi, dastur ta’minoti va bayonnomalari (protokollari) asosida tashkil etilgan, ma’lumotlar 
ombori va elektron jadvallar bilan jamoa boʻlib ishlash imkonini beruvchi korxona yoki tashkilot 
mikyosidagi yangi axborot muhitini tashkil etuvchi kompyuter tarmogʻidir. 
Intranet boshqa kompyuter tarmoqlaridan quyidagi jihati bilan farqlanadi: bir yoki bir nechta 
serverdan tashkil topgan tarmoq mijozi undagi ma’lumotlardan foydalanish uchun ularning qaysi 
serverda, qaysi katalogda, qanday nom bilan saqlanayotganligini, ularga kirish usuli va shartlarini 
bilishi zarur boʻladi. Internetda esa bunday noqulayliklarning oldi olingan boʻlib, uning 
foydalanuvchisi bunday ma’lumotlarni bilishi shart emas. Bundan tashqari, internet tarmogʻida 
mavjud boʻlgan barcha elektron hujjatlar va ma’lumotlar omborini giperbogʻlanishlar yordamida 
oʻzaro bogʻlab yagona axborot muhiti qurish, unda qulay axborot qidiruv tizimlarini tashkil etish 
mumkin boʻladi.