316-guruh talabasi Rahmatullayeva Iymonaning “Abdulla Qodiriy publisistikasidagi adabiy qarashlar” mavzusidagi

III.Xulosa
Xulosa qilib aytganda, Abdulla Qodiriy publitsistikasining yaxlit tizim sifatida o‘rganilganligi natijasida ijodkor maqolalarida muallif estetik ideali badiiy asarlari, she’riyati, qissa va romanlari bilan bog‘liqda yoritildi. Natijada adib publitsistikasining mavzu ko‘lami yanada kengligi, ijtimoiy hayot muammolarini to‘la qamrab olganligi tahlillar asosida yoritildi. Adibning publitsistik asarlarini bugungi kunimiz bilan qiyoslab o‘rganish, uning uslubini, tilini yanada kengroq tadqiq etish keyingi vazifalardan biri bo‘lib qoladi.
Har bir xalqning o‘zga millat va elatlarga namuna qilib ko‘rsatadigan, ezgu qadriyat yanglig‘ asrab-avaylab yuradigan ne’matlari bor. O‘z adabiyoti va san’ati bois iftixor tuyish baxti esa kamdan-kam xalqlarga nasib etadigan ezgu saodatdir. Yurtimiz biz sanagan rang-barang ne’matlardan tashqari, asrlar va nasllarga tatigulik beqiyos san’ati, dunyo xalqlariga ibrat qilib ko‘rsatishga munosib betakror adabiyoti borligi bilan ham faxrlansa arziydi. Yusuf Xos Hojib va Ahmad Yugnakiy, Alisher Navoiy va Bobur, Mashrab va Ogahiy, Muqimiy va Furqat, Fitrat va Cho‘lpon, Oybek va G‘afur G‘ulom kabi so‘z san’atkorlari ijodining yurtimiz sarhadlaridan tashqarida ham alohida ehtirom qilinishi buning yorqin dalilidir. Bu safda betimsol so‘z sehrgari Abdulla Qodiriy nomi jahonshumul e’tirofga sazovor bo‘lganligi bejiz emas. Zero juda qisqa muddat ichida “oltinchi romanchilik maktabi”ga asos sola bilgan, yangi o‘zbek adabiyoti imkoniyatlarini yuzaga chiqarishda beqiyos hissa qo‘shgan adib haqli ravishda zamonaviy realistik nasrimiz bayroqdoriga aylangan edi.
O‘tgan yil adabiyotsevar xalqimiz o‘z sevimli adibining 125 yilligini nishonladi. Biz yuqorida sanagan va qayd etishga muvaffaq bo‘lmagan o‘nlab omillar Abdulla Qodiriyni allaqachon dunyo klassiklari qatoriga qo‘shishga ulgurdi. Uning bizga me’ros qoldirgan adabiy javohirlari- bamisoli sarhil mevalar to‘lib-toshgan bog‘! Ulardan takror-takror bahramand bo‘lish va bu ne’matdan mustaqil hayotga endigina qadam qo‘yayotgan yosh avlodni-da bahramand aylash har birimizning muqaddas burchimizdir.
A.Qodiriy publitsistikasi mavzu va muammo ko‘lamining kengligi, siyosiy-ilmiy tafakkur bilan badiiy idrokning tabiiy uyg‘unligi, chuqur tahlil va keng umumlashmalari bilan o‘zbek publitsistikasida alohida o‘rin tutib qoladi, uni atroflicha tadqiq etish muhim vazifalardan bo’lib qoladi.
O‘tgan yil adabiyotsevar xalqimiz o‘z sevimli adibining 125 yilligini nishonladi. Biz yuqorida sanagan va qayd etishga muvaffaq bo‘lmagan o‘nlab omillar Abdulla Qodiriyni allaqachon dunyo klassiklari qatoriga qo‘shishga ulgurdi. Uning bizga me’ros qoldirgan adabiy javohirlari- bamisoli sarhil mevalar to‘lib-toshgan bog‘! Ulardan takror-takror bahramand bo‘lish va bu ne’matdan mustaqil hayotga endigina qadam qo‘yayotgan yosh avlodni-da bahramand aylash har birimizning muqaddas burchimizdir.