316-guruh talabasi Rahmatullayeva Iymonaning “Abdulla Qodiriy publisistikasidagi adabiy qarashlar” mavzusidagi

Kurs ishi mavzusi bo‘yicha adabiyotlar tahlili: O‘zbek millati ma’naviyatiga, badiiy-estetik tafakkurining yuksalishiga “O‘tkan kunlar” va “Mehrobdan chayon” romanlari bilan katta ta’sir ko‘rsatgan Abdulla Qodiriyga adabiyotshunos olimlar, munaqqidlar tomonidan juda ko‘plab murojaat qilingan va qilinmoqda. A.Qodiriy publitsistikasi bir qator olimlar tomonidan o‘rganilgan. Jumladan, bu asarlarga o‘z davrida Nazir To‘raqulov, G‘ozi Yunus, kabilar sinfiylik nuqtai nazaridan munosabat bildirgan bo‘lsa, H. Abdusamatov, N.Karimov, S.Mirvaliev, B.Nazarov, B.Qosimov, M.Xudoyqulov, S. Maxsumxonov, B.Karimov kabi olimlar ijodkor maqolalariga adabiy-badiiy jihatdan baho berganlar. Biroq bu olimlar A.Qodiriyning ayrim maqolalaridagi o‘ziga xosliklar haqida fikr yuritgan.
Shuningdek, X.Lutfiddinova, L.Toshmuhammedova kabi olimlar adib nasrining estetik masalalariga e’tibor qaratishgan.
Biroq A.Qodiriyning publitsistik asarlari yaxlit tizimga solib o‘rganilmaganligi, ularda estetik ideal masalasi tahlilga tortilmagaligi sababli ushbu mavzuni tadqiq qilish uchun belgiladik.
Ish ob’ekti va predmeti:
Ish ob’ekti sifatida Abdulla Qodiriy. Tanlangan asarlar.// Diyori bakr. Nashrga tayyorlovchi H. Qodiriy.-T.: Sharq, 2014 nashridagi maqolalar va feletonlar olindi. O‘rni bilan H.H.Niyoziy, A.Fitrat, A.Cho‘lpon, A.Avloniy va boshqa ijodkorlarning publitsistik asarlariga ham murojaat etiladi.
Predmeti: A.Qodiriy publisistikasida aks etgan adabiy-estetik qarashlari va ularning taraqqiyoti
Ishning maqsadi va vazifalari:
Mazkur ishning maqsadi A.Qodiriy publitsistikasini yaxlit tizimda o‘rganish asnosida uning estetik idealini ko‘rsatishdan iborat. Mazkur maqsaddan kelib chiqib quyidagi vazifalar belgilandi:
- adibning ijtimoiy-siyosiy maqolalarida estetik ideal masalasini yoritish;
- ijodkorning estetik idealini aniqlashda ma’naviy ma’rifiy qarashlarning o‘rnini belgilash;
- Adib publisistikasida uslub va tilning o‘ziga xosligini o‘rganish;
- adabiyotshunoslik masalalarining aks etishi;
-teatr tanqidiga oid qarashlar tahlilini amalga oshirish;